ભારતીય કુસ્તીબાજ વિનેશ ફોગાટે પેરિસ ઓલિમ્પિક 2024ની મહિલાઓની ફ્રી સ્ટાઇલ 50 કિગ્રા સેમિફાઇનલમાં ક્યુબાની યુસ્નેલિસ ગુઝમેન લોપેઝને 5-0થી હરાવી હતી. આ સાથે તેણી ફાઇનલમાં પહોંચી હતી અને દેશ માટે 1 મેડલ સુનિશ્ચિત કર્યો હતો. જો કે, હવે એક આઘાતજનક સમાચાર આવ્યા છે. વિનેશ ફોગાટના મેડલને લઈને સંકટ વધુ ઘેરાયેલું છે. વિનેશ 50 કિલોમાં પ્રથમ વખત પડકારરૂપ હતી. પહેલા ભારતીય રેસલર 53 કિગ્રામાં રમતી હતી. આ પહેલા આજે સવારે ગોલ્ડ મેડલ મેચ પહેલા વજન દરમિયાન તેનું વજન 100 ગ્રામ વધુ હોવાનું જાણવા મળ્યું હતું. આવી સ્થિતિમાં તેણીને ગેરલાયક ઠેરવી ડિસ્ક્વોલિફાઈ કરવામાં આવી છે.

ભારતના ઓલિમ્પિક અભિયાનને મોટો ઝટકો લાગ્યો છે. વિનેશ ફોગાટને પેરિસ ઓલિમ્પિક માટે અયોગ્ય જાહેર કરવામાં આવી છે. રિપોર્ટ અનુસાર તેનું વજન 50 કિલોથી વધુ હોવાનું જાણવા મળ્યું છે. ભારતીય ઓલિમ્પિક એસોસિએશન (IOA) એ કહ્યું કે તે ખેદજનક છે કે ભારતીય દળ વિનેશ ફોગાટને મહિલા કુસ્તી 50 કિગ્રા વર્ગમાંથી અયોગ્ય ઠેરવવાના સમાચાર શેર કરે છે. આખી રાત ટીમના શ્રેષ્ઠ પ્રયાસો છતાં, આજે સવારે તેનું વજન 50 કિલો કરતાં થોડા ગ્રામ વધુ હતું.