જમ્મુ અને કાશ્મીર વિધાનસભા ચૂંટણી માટે આજે ચૂંટણી પંચ તારીખોની જાહેરાત કરશે. આ પહેલા જ રાજ્યમાં મોટા પાયે વહીવટી ફેરફાર કરવામાં આવ્યો છે. સરકારે રાજ્યમાં લગભગ 200 સિવિલ અને પોલીસ અધિકારીઓની બદલી કરી છે. સાંબાના ડેપ્યુટી કમિશનર આઈએએસ અભિશેક શર્માની બદલી કરીને તેમને રાજૌરીના ડેપ્યુટી કમિશનર તરીકે નિમણૂક કરવામાં આવ્યા છે.

જમ્મુ પાવર ડિસ્ટ્રિબ્યુશન કોર્પોરેશન લિમિટેડના મેનેજિંગ ડિરેક્ટર વિકાસ કુંડલને જમ્મુ અને કાશ્મીર પાવર કોર્પોરેશન લિમિટેડના મેનેજિંગ ડિરેક્ટરના પદના વધારાના ચાર્જ સાથે પૂંચના ડેપ્યુટી કમિશનર તરીકે નિયુક્ત કરવામાં આવ્યા છે.

શકીલ યૂઆઈ રહેમાન રાથેર, ડેપ્યુટી કમિશનર, બાંદીપોરા, કાશ્મીરના ફૂલ અને બાગાયત વિભાગના નિયામક તરીકે બદલી અને નિયુક્ત કરવામાં આવ્યા છે. જમ્મુ અને કાશ્મીરના કંટ્રોલર ઓફ લીગલ મેટ્રોલોજી તરીકે તૈનાત માજીદ ખલીલ અહેમદ દ્રબુને જમ્મુ અને કાશ્મીરના ICPSના મિશન ડાયરેક્ટર બનાવવામાં આવ્યા છે.