ગુયાનાના વડા પ્રધાન માર્ક ફિલિપ્સ દ્વારા જાહેર કરાયેલી માહિતી અનુસાર, પલટી ગયેલી હોડીનું નામ "એમવી બારીમા" હતું. તે રાજધાની જ્યોર્જટાઉનથી ઉત્તર એટલાન્ટિક કિનારે થઈને પોર્ટ કૈટુમા જઈ રહી હતી. તે પોમેરૂન નદી નજીક પલટી ગઈ. પીએમ ફિલિપ્સે જણાવ્યું હતું કે અકસ્માત બાદ શરૂ કરાયેલા શોધ અને બચાવ કામગીરીમાં બચાવાયેલા ૬૭ લોકોમાં ૧૫ બાળકોનો સમાવેશ થાય છે. ગયાનાના મંત્રી જુઆન એજહિલે અહેવાલ આપ્યો હતો કે સ્થાનિક સમય મુજબ રાત્રે 11:01 વાગ્યે બોટ પલટી ગઈ હતી. સમાચાર મળતાં, સરકારી અને ખાનગી બોટનો ઉપયોગ કરીને ઘટનાસ્થળે શોધ અને બચાવ કામગીરી શરૂ કરવામાં આવી હતી. અધિકારીઓએ આશા વ્યક્ત કરી હતી કે વધુ મુસાફરોને સુરક્ષિત રીતે બચાવી લેવામાં આવશે. વડા પ્રધાન માર્ક ફિલિપ્સ સરકાર વતી બચાવ અને રાહત કામગીરીનું નિરીક્ષણ કરી રહ્યા છે.