હળવદ: હળવદ નજીકથી પસાર થતી નર્મદા કેનાલમાંથી એક અજાણ્યા પુરુષનો મૃતદેહ મળી આવતા વિસ્તારમાં ચકચાર મચી ગઈ હતી. હળવદની મોડર્ન સ્કૂલ પાછળ આવેલી નર્મદા કેનાલમાંથી અજાણ્યા યુવાનનો મૃતદેહ મળી આવ્યો હતો.
બનાવની જાણ થતાં હળવદ પોલીસની ટીમ સ્થળ પર પહોંચી હતી અને મૃતદેહને કબજામાં લઈ આગળની કાર્યવાહી હાથ ધરી હતી. મૃતકની હાલ ઓળખ થઈ શકી નથી. જેથી હળવદ પોલીસે મૃતકની ઓળખ તેમજ તેના વાલીવારસની શોધખોળ માટે તપાસનો ધમધમાટ શરૂ કર્યો છે.પોલીસ દ્વારા મૃતક અંગે કોઈ માહિતી ધરાવતા નાગરિકોને હળવદ પોલીસ સ્ટેશનનો સંપર્ક કરવા અપીલ કરવામાં આવી છે.