જૂનાગઢ–સોમનાથ હાઈવે પર ડારી ટોલ પ્લાઝા સામે સોમવારે સાંજે એક કારમાં અચાનક આગ લાગી હતી. વેરાવળ ફાયર વિભાગની ટીમના ડીસીપીઓ નરેન્દ્રસિંહ આછડિયા, જીતેન્દ્રસિંહ ગોહિલ, દિનેશ કુહાડા અને જીેશ મકવાણાએ ફાયર વાહન સાથે ઘટનાસ્થળે પહોંચી પાણીનો મારો ચલાવી આગને કાબૂમાં લીધી હતી. સમયસરની કાર્યવાહીથી આગ વધુ ફેલાતી અટકી હતી. આગની ઘટનાને કારણે હાઈવે પર થોડો સમય ટ્રાફિક પ્રભાવિત થયો હતો. આ કાર ઉત્તરાખંડના રહેવાસી મુકુલ કલ્પીની હોવાનું જાણવા મળ્યું છે. પ્રાથમિક તપાસમાં ટેકનિકલ ખામી અથવા સીએનજી સિસ્ટમમાં લીકેજને કારણે આગ લાગી હોવાની શકયતા વ્યકત કરવામાં આવી રહી છે