શાપર વેરાવળ પોલીસની ટીમને વેરાવળમાં મૌસમ એગ્રો સીડ કારખાના પાસેના વિસ્તારમા ખુલ્લા પ્લોટમાંથી પોલીસે વિદેશી દારૂ રેઢી મળી આવી હતી. પોલીસે ૬૮ બોટલ દારૂનો જથ્થો અને કાર સહિત કુલ રૂ.૫.૭૭ લાખનો મુદ્દામાલ કબજે કરી બુટલેટરની શોધખોળ હાથ ધરી છે.

દારૂના આ દરોડાની જાણવા મળતી વિગતો મુજબ, શાપર વેરાવળ પોલીસ મથકના પીઆઇ આર. બી. રાણાની રાહબરી હેઠળ પીએસઆઇ આર. ડી.સોલંકી તથા તેમની ટીમ જેમાં હેડ કોન્સ્ટેબલ તુષારસિંહ જાડેજા, કોન્સ્ટેબલ વિમલભાઈ વેકરીયા , મનસુખભાઈ ચૌહાણ, પોલીસ કોન્સ્ટેબલ મનસુખભાઈ ચૌહાણ,વિમલભાઈ વેકરીયા તથા અલ્પેશભાઈ ડામસી પેટ્રોલીંગમાં હતી દરમિયાન મળેલી બાતમીના આધારે વેરાવળ મૌસમ એગ્રો સીડ ડ્રીલની બાજુમાં આવેલ ઉર્જા ગેઇટની અંદર ખુલ્લા પ્લોટમાં કાળા કલરની નંબર વગરની સ્વિફ્ટ કારમાં વિદેશી ભરેલ હોવાની બાતમી મળી હતી.

બાતમીના આધારે નંબર વગરની સ્વિફ્ટ કારમાં તપાસ કરતા અલગ અલગ બ્રાન્ડની 68 વિદેશી દારૂની બોટલ મળી આવી હતી.પોલીસે વિદેશીદારૂ સહિત રૂ.૫,૭૭,૨૦૦નો મુદામાલ કબ્જે કર્યો હતો. કાર નં.GJ-03-PD-3578 માં દારૂનો જથ્થો રાખી અહીં કાર રેઢી મૂકી નાસી જનાર કારચાલકને ઝડપી લેવા તપાસ હાથ ધરી છે.