દારૂના આ દરોડાની જાણવા મળતી વિગતો મુજબ, એલસીબી ઝોન-૨ ના પીએસઆઇ આર.એચ.ઝાલા તથા તેમની ટીમ પેટ્રોલિંગમાં હતી. દરમિયાન મળેલી બાતમીના આધારે શહેરના નાના મવા રોડ પર દાસી જીવણપરા નજીક એક શંકાસ્પદ આઇ-10 નંબર જીજે ૧ કે.ડી 5014 ને અટકાવી હતી. પોલીસે કાર ચાલકની પૂછતાછ કરતા તેનું નામ હાર્દિક ભુપતભાઈ ભટ્ટ (ઉ.વ 27 રહે. લક્ષ્મીનગર શેરી નંબર-૩) હોવાનું જણાવ્યું હતું. પોલીસે કારમાં તલાસી લેતા તેમાંથી 24 બોટલ દારૂ મળી આવ્યો હતો. જેથી દારૂનો આ જથ્થો અને કાર સહિત કુલ રૂપિયા 1.56 લાખનો મુદ્દામાલ કબજે કરી પોલીસે આરોપીની ધરપકડ કરી હતી. આરોપી હાર્દિક સામે અગાઉ માલવીયાનગર પોલીસ સ્ટેશનમાં મારામારીનો ગુનો નોંધાઈ ચૂક્યો છે.

દારૂના અન્ય દરોડામાં એલસીબી ઝોન-૧ ની ટીમે આજીડેમ વિસ્તારમાં હરી ઓમ ઇન્ડસ્ટ્રીઝ એરીયા શેડ નંબર 11 પાસેથી નિર્મળ જીવાભાઇ બરડીયા (ઉ.વ 37 રહે. સંતોષ પાર્ક શેરી નંબર 5) નામના વેપારને દારૂની બે બોટલ સાથે ઝડપી લીધો હતો. જ્યારે યુનિવર્સિટી પોલીસે સાધુવાસવાણી રોડ પર સાધુ વાસવાણી ગર્લ્સ સ્કુલ પાસેથી દિનેશ ભીખાભાઈ ઠુંમર (ઉ.વ ૬૩ રહે. મોટા મવા), નિતેશ ભીખાભાઈ દસાડીયા(ઉ.વ ૪૩ રહે. પરિમલ સોસાયટી સાધુવાસવાણી રોડ) ને દારૂની એક બોટલ સાથે ઝડપી લઇ દારૂની બોટલ, એકટીવા અને સ્પ્લેન્ડર સહિત રૂ. 67,107 નો મુદ્દામાલ કબજે કર્યો હતો. આરોપીઓ પૈકી દિનેશ વેપારી હોવાનું અને નિતેશ કન્સ્ટ્રકશનનો ધંધાર્થી હોવાનું જાણવા મળ્યું છે.