આ બેઠકમાં પોલીસ કમિશનર બ્રજેશકુમાર ઝા એ ખાસ કરીને માધાપર ચોકડી, બેડી ચોકડી, ગ્રીન લેન્ડ ચોકડી સહિતના ઝોનમાં લેફ્ટ ટર્ન સ્મૂધ બનવવા રોડ સમથળ કરવાની કામગીરી સતત ચાલુ રાખવા પણ હાઇવે ઓથોરિટીને ટકોર કરી હતી, તેમજ વધુમાં હાઇવે પર વાહન અકસ્માત માટે કારણભૂત ગેરકાયદે મીડિયમ ગેપ તોડવાની ઘટનાઓ બનતી રહેતી હોઈ તેવા શખ્સોને પકડવા માટે સી.સી.ટી.વી. કેમેરા સેટઅપ લગાવવા સંબંધિત એજન્સીના અધિકારીઓને માર્ગદર્શન આપ્યું હતું.

શહેરમાં ચાર રસ્તા પર, શાળા આસપાસ ટ્રાફિકને અડચણરૂપ વાહન ચાલકો વિરુદ્ધ કામગીરી સઘન કરવા અને એસ.ટી. વિભાગ તેમજ મહાનગરપાલિકાના ડ્રાઈવરની આંખની નિયમિત તપાસ થવી જોઈએ તેમ પણ સૂચન કર્યું હતું, ટ્રાફિફ પોલીસ વિભાગ તેમજ આર.ટી.ઓ. દ્વારા માર્ગ સલામતી માસ-૨૦૨૬ અંતર્ગત જાન્યુઆરી માસમાં શાળા કોલેજમાં રોડ સેફટી જનજાગૃતિ કાર્યક્રમ, માર્ગ સલામતી રેલી, પેમ્ફલેટ વિતરણ, વાહનોમાં રેડિયમ પટ્ટી, રીફ્લેક્ટર લગાડવા, આઈ ચેકઅપ કેમ્પ સહિતના કાર્યક્રમોની વિગત પૂરી પાડી હતી.

વધુમાં મહાનગરપાલિકા દ્વારા સ્પીડ લિમિટના સાઈનેજીસની કામગીરી સહીત દબાણ હટાવ, ટ્રાફિક સિગ્નલ રી-ઈન્સ્ટોલેશન સહિતની કામગીરીની માહિતી પુરી પાડવામાં આવી હતી,આ અંગે અધિક પોલીસ કમિશનર મહેન્દ્ર બગરિયા, ટ્રાફિક એ.સી.પી, આર.ટી. ઓ. આઈ.સી. ટાંક, માર્ગ સલામતી સલાહકાર જે.વી. શાહ, નેશનલ હાઇવે ઓથોરિટી, નેશનલ હાઇવે ડિવિઝન, રૂડા, સ્ટેટ આર.એન્ડ.બી. સિવિલ, એસ.ટી. સહીત વિવિધ વિભાગના અધિકારીઓ, આ બેઠકમાં હાજર રહ્યા હતા.