આશરે 10,000 ઘરોને વીજળી મળશે. એક ચીની મીડિયા જૂથે અહેવાલ આપ્યો છે કે આ સફળ પરીક્ષણ મંગોલિયાના અલ્ક્સા લેફ્ટ બેનર ક્ષેત્રમાં થયું હતું. આ પરીક્ષણમાં 53,800 ચોરસ ફૂટની પતંગનો ઉપયોગ કરવામાં આવ્યો હતો. આ પતંગ ચીનના પ્રથમ રાષ્ટ્રીય સંશોધન અને વિકાસ પ્રોજેક્ટનો ભાગ છે.

ચાઇના એનર્જી એન્જિનિયરિંગ કોર્પોરેશને આ સિસ્ટમ વિકસાવી હતી. પરીક્ષણ દરમિયાન, એક હિલીયમ બલૂનનો ઉપયોગ કરવામાં આવ્યો હતો, જે પતંગને જમીનથી લગભગ 1,000 ફૂટ ઉપર રાખતું હતું. એકવાર પતંગ હવામાં પહોંચ્યા બાદ તે ખુલી ગઈ. ત્યારબાદ તેને જમીન આધારિત જનરેટર સાથે જોડાયેલ કેબલ ખેંચીને વીજળી ઉત્પન્ન કરવાનું શરૂ કર્યું.

10 મેગાવોટ ક્ષમતા ધરાવતી પતંગ આધારિત સિસ્ટમ એક વર્ષમાં આશરે 20 મિલિયન કિલોવોટ વીજળી ઉત્પન્ન કરી શકે છે. આનાથી આશરે 10,000 ઘરો માટે વીજળી ઉત્પન્ન થઈ શકે છે. ચાઇના પાવર એન્જિનિયરિંગ કન્સલ્ટિંગ ગ્રુપ લિમિટેડના સિનિયર ટેકનિશિયન હુઓ શાઓલેઈએ જણાવ્યું હતું કે તેઓ મલ્ટી-પતંગ ફ્લાઇટ પરીક્ષણો કરશે અને આવતા વર્ષના અંત સુધીમાં વીજળી ઉત્પાદન પરીક્ષણો શરૂ થઈ શકે છે.