દેવભૂમિ દ્વારકા જિલ્લા ભાજપના પ્રમુખ મયુરભાઈ ગઢવી દ્વારા સલાયા શહેર સંગઠનની નિમણૂક કરવામાં આવેલ હતી. જેમાં સલાયા શહેર ભાજપના મહામંત્રી તરીકે પ્રદીપસિંહ જાડેજા તેમજ સુમિતભાઇ લાલની નિમણૂક કરવામાં આવી છે, તેમજ ઉપપ્રમુખ તરીકે મોહનભાઈ વ્યાસ, રાજેશભાઈ તન્ના, પુનિત ભટ્ટ, ખ્યાતિબેન કિરતસાતા, મધુબેન મોદી, સ્મિત સામાણી તેમજ મંત્રી તરીકે રેખાબેન વલાણી, રેખાબેન મકવાણા, વિજય ગૌસ્વામી, જયેશ પરમાર, દિવ્યેશ ગૌસ્વામી, કપિલ પીઠડીયા અને કોષાધ્યક્ષ તરીકે હિપિન આયાની નિમણૂક કરવામાં આવી હતી.

આ તમામ નવ નિયુક્ત હોદ્દેદારોને સલાયા શહેર ભાજપ પ્રભારી પરેશભાઈ કાનાણી દ્વારા સન્માનિત કરાયા હતા. આ તકે સલાયા શહેર ભાજપના પ્રમુખ લાલજીભાઈ ભૂવા દ્વારા આગામી ભાજપના કાર્યક્રમો વિશે માર્ગદર્શન આપેલ હતું. આ તકે સલાયા યુવા ભાજપ પ્રમુખ વિશાલ લાલ પણ ઉપસ્થિત રહ્યા હતા. અંતે સલાયા શહેર ભાજપ પ્રમુખ દ્વારા જિલ્લા પ્રમુખ તેમજ તમામ જિલ્લાના હોદ્દેદારોનો આભાર માન્યો હતો. સૌ નવનિયુક્ત હોદ્દેદારોને લોહાણા મહાજન અને વેપારી મહામંડળ દ્વારા પણ શુભેચ્છાઓ આપવામાં આવી હતી.