જામનગરના હિમાલય સોસાયટી વિસ્તારમાં ગઇકાલે જુની માથાકુટ બાબતનું સમાધાન કરવા માટે બોલાવીને ક્ધસ્ટ્રકશનના ધંધાર્થી અને તેના મિત્ર પર હુમલો કરવામાં આવ્યો હતો. આ મામલે ૩ શખ્સ સહિત ૧૧ સામે ફરીયાદ દાખલ કરવામાં આવી છે.
જામનગરના વુલનમીલ પાસે ડીફેન્સ કોલોની પ્લોટ નં. ૮૯ ખાતે રહેતા ક્ધસ્ટ્રકશનના ધંધાર્થી બાબુ દેવાભાઇ કનારા (ઉ.વ.૩૫)એ ગઇકાલે સીટી-સી ડીવીઝનમાં જામનગરના સુનિલ ભાટીયા, મયુર ભાટીયા, દર્શન ભાટીયા તથા અજાણ્યા ૮ જેટલા ઇસમો સામે જુદી જુદી કલમ મુજબ ફરીયાદ નોંધાવી હતી.
આ અંગેની ફરીયાદની વિગત મુજબ સાહેદ ભાવેશભાઇ માડમને આરોપી સુનિલ ભાટીયા તથા મયલો ભાટીયા, દર્શન ભાટીયા સાથે જુની માથાકુટ બાબતે સમાધાન માટે બોલાવેલ હોય, ત્યાં ફરીયાદી તથા તેના મિત્ર ભાવેશભાઇ સાથે ગયા હતા.
ગઇકાલે હિમાલય સોસાયટી શેરી નં. ૨, ફરીયાદીના ઘર પાસે ત્રણેય શખ્સોએ સમાધાન કરેલ નહીં પરંતુ ફરીયાદી બાબુભાઇને સુનિલ ભાટીયાએ કપાળના ભાગે લોખંડનો પાઇપ ઝીંકી દીધો હતો અને ભાવેશ પરબતને અપશબ્દો બોલી માર મારી પાછળથી આવેલા શખ્સોએ ફરીયાદી તથા સાહેદને ઢીકાપાટુનો માર માર્યો હતો.
માર માર્યા બાદ સુનિલે ફરીયાદીને ફોન પર ધમકી આપી એકબીજાને મદદગારી કરી હતી આ બનાવ અંગે બાબુભાઇ કનારા દ્વારા ફરીયાદ નોંધાવવામાં આવતા પીએસઆઇ સીસોદીયા આ મામલે તપાસ ચલાવી રહયા છે.