ભાયાવદર પોલીસ સ્ટેશનના પીઆઇ વી.સી.પરમારની રાહબરીમાં ટીમ પેટ્રોલીંગમા હતી ત્યારે ચોક્કસ બાતમી મળી હતી કે, સાતવડી ગામની સીમ ફુલઝર ડેમના કાંઠે જયદીપ ભાયા બઢ દેશીદારૂની ભઠ્ઠી ચલાવે છે, જે બાતમીના આધારે દરોડો પાડી જયદીપ ભાયા બઢ (રહે. મોટી પાનેલી ગૌશાળા પાસે) ને પકડી પાડી દેશી દારૂ બનાવવાનો આથો લીટર ૧૦૦૦ રૂ.૨૫ હજાર, દેશી દારૂ લીટર ૯૫ રૂ.૧૯ હજાર અને ભઠ્ઠીના અલગ-અલગ સાધનો મળી કુલ રૂ.૫૦ હજારનો મુદ્દામાલ કબ્જે કર્યો હતો. દરોડા દરમિયાન સાહીલ સુરેશભાઈ વાઘેલા (રહે.મોટી પાનેલી ગૌશાળા પાસે)નો નાસી છૂટતા શોધખોળ હાથ ધરી છે. .

બીજા દરોડામાં ભાયાવદર દરબારગઢ ખાતે રહેતો શિવરાજસિંહ નાનભા ચુડાસમા પોતાના મકાનમાં દેશીદારૂનું વેચાણકરી રહ્યો છે. જે બાતમીના આધારે પોલીસ ટીમે દરોડો પાડી દેશી દારૂ બનાવવાનો આથો લીટર ૨૫૦ અને ભઠ્ઠીના અલગ - અલગ સાધનો સહિતનો મુદ્દામાલ કબ્જે કર્યો હતો. દરોડા દરમિયાન શિવરાજસિંહ હાજર નહીં મળી આવતા તેને ફરાર જાહેર કરી ગુનો નોંધી શોધખોળ હાથ ધરી છે.