સમાજ ઘડતરમાં શિક્ષણનું ઘણું બધું યોગદાન રહ્યું છે. શિક્ષણ અને તેની સાથે સંશોધન પણ સમાજ ઘડતર માટે ખૂબ જ ઉપયોગી છે અને તે સમાજની જરૂરિયાત પણ છે. શિક્ષણનું સ્વરૂપ જ કાર્યોની દ્રષ્ટિએ સામાજિક છે. સમાજના ઘડતર માટે શિક્ષણ અતિ જરૂરી છે. અને એજ દિશામાં  સિહોર ક્ષત્રિય કારડીયા રાજપૂત સમાજની વિકાસ સમિતિ આગળ ધપી રહી છે. વધતી જતી મોંઘવારીમાં સમાજના વાલીઓ અને વિધાર્થીઓને રાહત દરે ફુલસ્કેપ ચોપડા અને જંબો નોટબુક મળી રહે તે માટે સિહોર ક્ષત્રિય કારડીયા રાજપૂત સમાજની વિકાસ સમિતિ ચોપડા-નોટબુક આપવાની ઝુંબેશ શરૂ કરી હતી.  આ વર્ષે અંદાજે ૫૦ હજાર થી વધુ ચોપડા અને નોટબુકનું સમાજના વિધાર્થીઓને બજાર ભાવ કરતાં રાહત દરે વિતરણ કરાશે. ક્ષત્રીય કારડીયા રાજપુત વિકાસ સમિતિ દ્વારા દર વર્ષની માફક આ વર્ષે પણ સમાજના વિધાર્થીઓ માટે રાહત દરે આશરે ૫૦ હજાર જેટલા ચોપડા બનાવવામાં આવેલ છે.  જે ચોપડાઓનું વિતરણ રાજપૂત સમાજની વાડીમાં સિહોર ખાતે કરવામાં આવેલ ઉલ્લેખનીય છે કે કારડીયા રાજપૂત વિકાસ સમિતિની સ્થાપના ૨૫-૦૮-૨૦૦૧ ના રોજ કરવામાં આવેલ હતી અને આ વિકાસ સમિતિ દ્વારા દર વર્ષે સમૂહ લગ્ન, બ્લડ ડોનેશન કેમ્પ, રાહત દરે ચોપડા વિતરણ, દશેરા નિમિત્તે શસ્ત્ર પૂજન, શોભાયાત્રા સહિતના આયોજનો કરવામાં આવે છે. અને જરૂરિયાતમંદ સમાજના વિધાર્થીઓને આર્થિક મદદની જરૂરિયાત હોય તો પણ સમાજના આગેવાનો દ્વારા યોગ્ય મદદ કરવામાં આવે છે.