અમેરિકન રાષ્ટ્રપતિ ડોનાલ્ડ ટ્રમ્પના વ્હાઇટ હાઉસના પ્રેસ સેક્રેટરી, કેરોલિન લેવિટએ આ મહીને જ પદ છોડી દેવાની જાહેરાત કરી છે. એક પોસ્ટમાં, કેરોલિન લેવિટે તેમના નિર્ણયને "ભાવનાત્મક પરંતુ જરૂરી" ગણાવ્યો.તેમણે કહ્યું કે વિશ્વના સૌથી વ્યસ્ત કામોમાંના એકને પોતાની માતૃત્વની જવાબદારીઓ સાથે સંભાળવું અત્યંત પડકારજનક રહ્યું છે. બે નાના બાળકો અને પરિવાર સાથે વધુ સમય વિતાવવાની ઇચ્છાને લીધે આ પગલું જરૂરી હોવાનું બહાનું આગળ ધર્યું છે. નોંધનીય છે કે ટ્રમ્પના પાછા ફર્યા પછી તે આ પદ સંભાળી રહી હતી. 2025 માં ટ્રમ્પના ફરીથી ચૂંટાયા પછી કેરોલિન લેવિટે વ્હાઇટ હાઉસના પ્રેસ સેક્રેટરીની ભૂમિકા સંભાળી. તે આ પદ સંભાળનાર સૌથી નાની ઉંમરની વ્યક્તિ બની. તેણીએ તાજેતરમાં જ તેના બીજા બાળકને જન્મ આપ્યો છે.ટ્રમ્પે લખ્યું કે કેરોલિન લેવિટ મહિનાના અંતમાં પદ છોડશે જેથી તે તેના નાના બાળકો અને પરિવાર સાથે વધુ સમય વિતાવી શકે. તેમણે કહ્યું કે તેઓ કેરોલિનના નિર્ણયને સંપૂર્ણપણે સમજે છે અને તેનું સન્માન કરે છે. કેરોલિન લેવિટે કહ્યું કે માતા હોવા છતાં, વિશ્વના સૌથી મુશ્કેલ કામોમાંના એકને સંભાળવું એ તેમના જીવનનો સૌથી સંતોષકારક, છતાં સૌથી પડકારજનક સમય રહ્યો છે. તેમણે કહ્યું કે જ્યારે તેઓ તેમની પુત્રીના જન્મ પછી વ્હાઇટ હાઉસ પરત ફર્યા, ત્યારે તેમને ઊંડાણપૂર્વક લાગ્યું કે પ્રેસ સેક્રેટરીના પદ માટે જરૂરી સતત સમય, શક્તિ અને ધ્યાન સમર્પિત કરીને, તેઓ તે એવી માતા બની શક્યા નથી જે તેમના બે નાના બાળકો લાયક છે.