દેશની આર્થિક રાજધાની મુંબઈના વેસ્ટર્ન એક્સપ્રેસ હાઇવે પર રેસ દરમિયાન ગઈકાલે મોડી રાત્રે પોર્શ અને બીએમડબ્લ્યુ કારના ચાલકો બેફામ ગતિએ પસાર થઈ રહ્યા હતા ત્યારે અકસ્માત થયો હતો અને પોર્શ કાર ડિવાઇડર સાથે અથડાઈ, જેમાં ડ્રાઈવરને ગંભીર ઈજા થઈ. પ્રત્યક્ષદર્શીઓના જણાવ્યા અનુસાર, બંને કાર ખૂબ જ ઝડપે દોડી રહી હતી. પોલીસે ઘટનાની તપાસ શરૂ કરી છે. અકસ્માતમાં પોર્શને ભારે નુકસાન થયું હતું.જોકે હજુ સુધી કોઈ જાનહાનિના અહેવાલ નથી.

પોલીસે ઘટનાની તપાસ શરૂ કરી છે, પરંતુ વધુ કોઈ વિગતો જાહેર કરવામાં આવી નથી. અકસ્માતના ફોટા સોશિયલ મીડિયા પર ફરતા થઈ રહ્યા છે, જેમાં પોર્શનો આગળનો ભાગ ખરાબ રીતે ક્ષતિગ્રસ્ત દેખાય છે. મુંબઈના રસ્તાઓ મોડી રાતે નિર્જન બની ગયા બાદ આ બન્ને કારના ચાલકો રમતે ચડ્યા હતા અને કારમાં રેસિંગ શરુ કર્યું હતું જેના કારણે અકસ્માત થયો હતો