મુસ્લિમ બિરાદરો આવતીકાલે ઈદ ઉલ અઝહા (બકરી ઈદ) ની ઉજવણી કરશે. શહેરની સદર ઇદગાહમાં સવારે 8:00 કલાકે ઈદની નમાજ પઢવવામાં આવશે.  સદર આમ સુન્ની મુસ્લિમ કમિટી દ્વારા જણાવાયા મુજબ આવતીકાલે મુસ્લિમ બિરાદરો દ્વારા ઈદ ઉલ અઝહાની ઉજવણી કરવામાં આવનાર હોય સવારે વિશેષ નમાઝ અદા કરવામાં આવશે. ત્યારે સદર ઇદ ગાહ કે જે સદરમાં ઇગલ પેટ્રોલ પંપ પાસે આવેલી હોય તેમાં સવારે 8:00 કલાકે નમાઝ હાફિઝ અક્રમ બાપુ દ્વારા પઢાવવામાં આવશે તેમજ સદર જુમ્મા મસ્જિદમાં સવારે સાત કલાકે ઈદુલ અઝહાની નમાઝ મોલાના સૈયદ અઝરૂદિનન બાપુ કાસમિયા દ્વારા પઢાવવામાં આવશે. તેમ સદર આમ સુન્ની મુસ્લિમ કમિટીના પ્રમુખ યાકુભાઈ દલવાણી, ઉપપ્રમુખ હબીબભાઈ કટારીયા, મંત્રી સાજીદભાઈ ખોખર દ્વારા જણાવાયું છે.