જેતપુર પોલીસે થાણાગાલોલ ગામે જાહેરમાં જુગાર રમતા ચાર શખ્સોને રૂ.૧૦૪૨૦ની રોકડ સાથે અને દેરડી ધાર આવાસ ક્વાર્ટર પાસે જાહેરમાં જુગાર રમતા ત્રણ મહિલા સહિત ચાર શખસો રૂ.૩૪૦ની રોકડ સાથે પકડાતા જુગારધારા કલમ હેઠળ ગુનો નોંધી કાર્યવાહી કરી હતી.પ્રાપ્ત વિગત મુજબ, જેતપુર તાલુકા પોલીસે પેટ્રોલિંગ દરમ્યાન મળેલી બાતમીના આધારે થાણાગાલોલ ગામમાં અમરાપર રોડ પાસે મેલડી માંના મંદિર પાસે પીપળાના ઝાડ નીચે જાહેરમાં જુગાર રમતા થાણાગાલોલ ગામના રહેવાસી કાંતિ શામજીભાઈ પરમાર, બાબુ ગીગાભાઈ મકવાણા, ચેતન નાથાભાઈ અજાણા, મેરામ રણછોડભાઈ મકવાણાને પકડી પટમાંથી રૂ.૧૦૪૨૦ની રોકડ કબજે કરી જુગારધારા કલમ હેઠળ ગુનો નોંધી જરૂરી કાર્યવાહી કરી હતી. જુગારના બીજા દરોડામાં, જેતપુર ઉદ્યોગનગર પોલીસે દેરડી ધાર આવાસ યોજના ક્વાર્ટર નં ૯૯૯ની બાજુમાં જાહેરમાં જુગાર રમતા એ જ ગામના રહેવાસી પાયલબેન મહેન્દ્રભાઈ પરમાર, નીતાબેન અશોકભાઈ ગોંડલીયા, ભાનુબેન પ્રવીણભાઈ કોચરા, રવિ જેન્તીભાઇ ચાંડપાને પકડી પટમાંથી રૂ.૩૪૦ની રોકડ કબજે કરી જુગારધારા કલમ હેઠળ ગુનો નોંધી જરૂરી કાર્યવાહી કરી હતી.