ખંભાળિયામાં આવેલી બેન્ક ઓફ બરોડા પાસેથી પોલીસે હરેશ શામજી રાઠોડ અને મયુર ઉર્ફે મિથુનને વરલી મટકાના જુગાર રમતા ઝડપી લઇ, રૂ. ૧૦,૦૩૦ નો મુદ્દામાલ કબજે કર્યો હતો. આ દરોડા દરમિયાન જામનગરનો નિખિલ ઉર્ફે લાલો દીપસિંહ પોલીસને હાથ લાગ્યો ન હતો.
ખંભાળિયા તાલુકાના વાડીનાર ગામેથી પોલીસે અસલમ જુનસ સુંભણીયા (ઉ.વ. ૨૫) ને વરલી મટકાના આંકડા વડે જુગાર રમતા ઝડપી લીધો હતો. મીઠાપુર પોલીસે લક્ષ્મણ રામા ચાસીયા, કનુ રાણા ચાનપા, જશુભા અજાભા સુમણીયા અને દેવુભા માણેકભા સુમણીયાને તીનપત્તીનો જુગાર રમતા રૂપિયા ૨,૭૫૦ ના મુદ્દામાલ સાથે ઝડપી લીધા હતા.