પોરબંદર જિલ્લાના કુતિયાણા તાલુકાના વિલાસપુર ગામના રહીશ કરશનભાઈ નવઘણભાઈ ચાવડા નામના 35 વર્ષના યુવાને આજથી આશરે એકાદ વર્ષ પૂર્વે ભાણવડ તાલુકાના મેવાસા ગામે રહેતા કરસનભાઈ નથુભાઈ રાવલિયાની પુત્રી સાથે પ્રેમ લગ્ન કર્યા હતા. આ લગ્નના આશરે છ માસ બાદ દંપતિ વચ્ચે મનમેળ ન થતા તેઓના છૂટાછેડા થઈ ગયા હતા.

આ બાબતનું મનદુઃખ રાખીને આરોપી કરસનભાઈ તેમજ લાખાભાઈ નથુભાઈ રાવલિયાએ તેઓનો સમાન ઈરાદો પાર પાડવા ગઈકાલે સોમવારે ભાણવડના વેરાડ નાકા વિસ્તારમાં ફરિયાદી કરસનભાઈ તથા તેમના પિતાને મોટરસાયકલના સાયલેન્સર તેમજ સાયલેન્સરની ભૂંગળી વડે બેફામ માર મારી, ગાળો કાઢી હતી. જે અંગે બંને આરોપીઓ સામે ભાણવડ પોલીસ મથકમાં ગુનો નોંધાયો છે.