પોલીસોમાંથી મળતી વિગતો મુજબ શહેરના નાનામવા રોડ પર સ્વસ્તિક વન એપાર્ટમેન્ટમાં રહેતા વિરાજ વિપુલભાઈ મહેતા ઉ.વ.27 એ પિતા વિપુલ સામે રાજકોટ તાલુકા પોલીસ સ્ટેશનમાં ફરિયાદ નોંધાવતા જણાવ્યું હતું કે તે વીર ઈન્વેસ્ટમેન્ટ નામે ધંધો કરતો હોવાનું દાદા-દાદી સાથે ઉપરોક્ત સરનામે રહે છે. માતા-પિતાના 16 વર્ષ પહેલાં છૂટાછેડા થઈ ગયા હતા.

ત્યારબાદ પિતા વિપુલભાઈએ બીજાલગ્ન કર્યા હોય પરંતુ પુત્રને નવી માતા સાથેન ભળતાં તે અલગ રહે છે,ગત 20/06ના રોજ પિતા વિપુલભાઈ તેમના પુત્રના ઘરે આવ્યા હતા. તેમણે પોતાને જરૂરિયાત હોવાનું જણાવી પુત્રના નામની કાર એક-બે દિવસ માટે માગી હતી.

જેથી વોક્સ વેગનકાર આપ્યા બાદ પિતાએ પુત્રને એવો વિશ્વાસ આપ્યો હતો કે, જો તું કાર તારી પાસે રાખીશ તો લેણદારો લઈ જશે, એના કરતા હું કાર વેચીને તને તારા પૈસા પરત આપી દઈશ,જોકે લાંબો સમય વિતવા છતાં પિતાએ કાર વેચી ન હતી અને જ્યારે પુત્રએ પોતાની કાર પરત માગી ત્યારે પિતાએ તે આપવાનો સ્પષ્ટ ઈનકાર કરી દીધો હતો.

પિતાએ ઉદ્ધત વર્તન કરતા જણાવ્યું હતું કે, મારે તારી પાસેથી પૈસા લેવાના બાકી છે એટલે કાર આપવાની નથી, તારે જે કરવું હોય તે કરી લેજે તેવું કહેતા અંતે વિરાજ મહેતાએ તાલુકા પોલીસ મથકમાં પિતા સામે ફરિયાદ નોંધાવી હતી.