@aajkaalteamદિલ્હીને અડીને આવેલા ગાઝિયાબાદ (ઉત્તર પ્રદેશ)ની એક સોસાયટીમાંથી એક ચોંકાવનારો વીડિયો સામે આવ્યો છે. લોની કોતવાલી વિસ્તારની ગોકુલ ધામ સોસાયટીમાં બાઇક પર આવેલા બે બદમાશોએ ઘરની બહાર બેઠેલી એક મહિલાને બંદૂકથી બીવડાવીને  ચેઇનની લૂંટ કરી હતી. આ ઘટનાનો વીડિયો ઈન્ટરનેટ મીડિયા પર વાયરલ થયો છે.

પીડિતાએ પોલીસને ફરિયાદ કરી  બદમાશ સામે કાર્યવાહી કરવાની માંગ કરી છે. પોલીસ સીસીટીવી ફૂટેજ પરથી બદમાશને શોધી રહી છે.

ગીતા પરિવાર સાથે ગોકુલ ધામ કોલોનીમાં રહે છે. સોમવારે બપોરે 3 વાગ્યાની આસપાસ તે ઘરની બહાર બેઠી હતી. બાઇક પર સવાર બે બદમાશો ત્યાં પહોંચ્યા. એક બદમાશ બાઇક પરથી ઉતરી ગયો. બદમાશોએ મહિલાને હથિયાર બતાવીને આતંક મચાવ્યો હતો. તેણે મહિલાને તેના ગળામાં પડેલી ચેન આપવા કહ્યું. ના પાડતા તેણે જાનથી મારી નાખવાની ધમકી આપી હતી.

મહિલાએ ચેન કાઢીને આપી. ઘટનાને અંજામ આપ્યા બાદ બદમાશો સ્થળ પરથી ફરાર થઈ ગયા હતા. લૂંટની આ ઘટના નજીકમાં લાગેલા સીસીટીવી કેમેરામાં કેદ થઈ ગઈ હતી. બદમાશ નાસી છૂટ્યા બાદ પીડિતાએ પોલીસને ઘટનાની જાણ કરી હતી.

માહિતી મળતા પોલીસે પહોંચી સીસીટીવી ચેક કર્યા હતા. કોતવાલીના ઈન્ચાર્જ ઈન્સ્પેક્ટર અજય ચૌધરીએ જણાવ્યું કે ઘટનાના સીસીટીવી ફૂટેજ પરથી બદમાશની ઓળખ થઈ રહી છે. ટૂંક સમયમાં ઘટનાનો પર્દાફાશ થશે.