સેનાના પ્રવક્તા લેફ્ટનન્ટ જનરલ ચૌધરીએ કહ્યું જેલમાં કેદ ઇમરાન હવે દેશદ્રોહીઓની ભાષા બોલી રહ્યો છે, જે ચલાવી લેવાશે નહી જ

પાકિસ્તાન સેનાએ અદિયાલા જેલમાં કેદ ભૂતપૂર્વ વડાપ્રધાન ઇમરાન ખાનને પાગલ જાહેર કર્યા છે. સેનાના પ્રવક્તાએ આ અંગે ઔપચારિક રીતે એક નિવેદન બહાર પાડ્યું છે, જેમાં કહેવામાં આવ્યું છે કે ઇમરાન હવે માનસિક રીતે બીમાર થઈ ગયો છે. તે દેશદ્રોહીઓની ભાષા બોલી રહ્યો છે. ઇમરાન ખાન જેલમાંથી નાગરિકોને સેના વિરુદ્ધ ઉશ્કેરવાનો પ્રયાસ કરી રહ્યો છે, જે હવે સહન કરવામાં આવશે નહીં.સેનાના પ્રવક્તા લેફ્ટનન્ટ જનરલ અહેમદ શરીફ ચૌધરીએ પત્રકારો સાથે વાત કરતા કહ્યું, "ઇમરાન ખાન દુશ્મનની ભાષા બોલી રહ્યા છે. તેઓ દરેક નિવેદનમાં શેખ મુજીબુર રહેમાનનો ઉલ્લેખ કરી રહ્યા છે. આ દેશ સાથે વિશ્વાસઘાત છે. હકીકતમાં, મુજીબુર રહેમાન જ હતા જેમણે 1971માં પાકિસ્તાનનું વિભાજન કરાવ્યું હતું.આ જાહેરાત ઇમરાન ખાન અને તેમની બહેન ઉઝમા વચ્ચેની મુલાકાતના માત્ર ત્રણ દિવસ પછી આવી છે. પોતાના ભાઈને મળ્યા પછી, ઉઝમાએ તેમને સંપૂર્ણપણે સ્વસ્થ જાહેર કર્યા. ત્યારે પ્રશ્ન એ છે કે શું ઇમરાન ખાન માત્ર ત્રણ દિવસમાં પાગલ થઈ ગયો છે.અહેમદ શરીફ ચૌધરીના મતે, કલમ 19 ફક્ત અભિવ્યક્તિની સ્વતંત્રતા વિશે વાત કરતી નથી. તે ક્યારેય કહેતી નથી કે ફક્ત વિપક્ષ લોકશાહીને વ્યાખ્યાયિત કરશે. ઇમરાન ખાન દરેક બેઠકમાં સેના પ્રમુખ વિરુદ્ધ નિવેદનો આપી રહ્યા છે.ચૌધરીએ વધુમાં કહ્યું,અમે કોઈને પણ પાકિસ્તાની સેના અને જનતા વચ્ચે ફાટ પાડવાની મંજૂરી આપીશું નહીં. અમે તમને જનતાને સેના વિરુદ્ધ ઉશ્કેરવા દઈશું નહીં. અમે તમને સેના અને જનતા વચ્ચે ફાટ પાડવાની મંજૂરી આપીશું નહીં.

ચીફ ઓફ ડિફેન્સ સ્ટાફ તરીકે મુનીરની નિમણૂક પછી તરત જ પલટી મારી

પાકિસ્તાની સરકારે અસીમ મુનીરને ચીફ ઓફ આર્મી સ્ટાફના પદ પરથી ચીફ ઓફ ડિફેન્સ સ્ટાફના પદ પર બઢતી આપવાની જાહેરાત કરી. ચીફ ઓફ ડિફેન્સ સ્ટાફનું પદ પાકિસ્તાનમાં સર્વોચ્ચ પદ માનવામાં આવે છે. ચીફ ઓફ ડિફેન્સ સ્ટાફ હવે ત્રણેય સશસ્ત્ર દળોની કમાન સંભાળે છે. મુનીર પર પાકિસ્તાનમાં કેસ ચલાવી શકાતો નથી કે તેમને હટાવી શકાતા નથી.ધ ગાર્ડિયન અખબારે પાકિસ્તાન સરકારના આ નિર્ણયને મુનીરને સરમુખત્યાર બનાવનાર નિર્ણય ગણાવ્યો હતો. રસપ્રદ વાત એ છે કે, ઇમરાન ખાન અંગે પાકિસ્તાન સેનાનું આ નિવેદન મુનીરના પ્રમોશનના એક દિવસ પછી જ આવ્યું છે. અત્યાર સુધી, પાકિસ્તાની સેનાએ ઇમરાન ખાન વિરુદ્ધ સીધું જ બોલવાનું ટાળ્યું છે