કુવાડવા ગામે રહેતો યુવક ગઈકાલે બપોરે ઘર પાસે ગુલ્ફી ખાતો હતો ત્યારે કારમાં આવેલા ત્રણ શખ્સોએ આવી તું બોલાવી લે તારી પોલીસને, અમારા વિશે બાતમી આપે છે ને, કહી છરીથી હુમલો કરતા યુવક ખસી જતા છરકા લાગ્યા હતા. જતા જતા શખ્સોએ મારી નાખવાની ધમકી આપતા યુવકે પોલીસમાં ફરિયાદ નોંધાવી છે.

છરીના પીઠ અને હાથના ભાગે છરકા થયા

પ્રાપ્ત વિગત મુજબ કુવાડવા ગામે હરિઓમ ચોકમાં રહેતો અને ખાણીપીણીનો સ્ટોલ રાખી પરિવારનું ગુજરાન ચલાવતો અશોક ચમનભાઈ મકવાણા (ઉ.વ.22)નો યુવક ગઈકાલે ઘરે પાસે સીતારામ પાન નામની દુકાને ગુલ્ફી ખાતો હતો ત્યારે કારમાં આવેલા નીતિન નાથાભાઈ લઢેર તેનો ભાઈ દશરથ (બંને રહે કુવાડવા ગામ ) તેમજ દિપક લઢેર (રહે-માલિયાસણ) ત્રણેય કારમાંથી ઉતરી યુવક પાસે જઈ તું બોલાવી લે તારી પોલીસને, તું અવાર નવાર પોલીસને અમારી વાતો કરે છે ને કહી નીતિન અને દશરથે પેન્ટના નેફામાંથી છરી કાઢી હુમલો કરતા યુવક ખસી ગયો હતો અને છરીના પીઠ અને હાથના ભાગે છરકા થયા હતા. 

આજે તો તું બચી ગયો છે પણ 

યુવક બીકથી દોડીને ઘરમાં ભાગી જતા જતા જતા શખસોએ ધમકી આપી હતી કે, આજે તો તું બચી ગયો છે પણ હવે પોલીસને અમારી કાંઈ વાત કરીશ તો મારી નાખીશું. ગભરાયેલા યુવકે સારવાર લઇ કુવાડવા પોલીસમાં ફરિયાદ નોંધાવતા પોલીસે નીતિન નાથાભાઈ લઢેર તેના ભાઈ દશરથ અને દિપક લઢેર સામે ગુનો નોંધી આગળની કાર્યવાહી હાથ ધરી છે.