પોલીસ સૂત્રોમાંથી મળતી વિગતો મુજબ રાજકોટ ગ્રામ્ય એસપી વિજયસિંહ ગુર્જર દ્વારા જિલ્લામાં દારૂનો ધંધો કરતા બુટલેગરો તેમજ અન્ય રાજ્યોમાંથી સપ્લાય કરવા આવતા ખેપિયાઓને ઝડપી લેવા કરેલા આદેશના પગલે ગ્રામ્ય એલસીબીના પીઆઇ વીવી ઓડેદરા ની સૂચનાથી ટીમ આટકોટ પંથકમાં પેટ્રોલિંગમાં નીકળી હતી.

તે દરમિયાન આટકોટની ગોંડલ ચોકડી પાસેથી નીકળેલી શંકાસ્પદ બોલેરો કારને અટકાવી કારની તલાશી લેતા ચોરખાનું મળી આવ્યું હતું જેમાં છુપાવેલી ઇંગ્લીશ દારૂની ૧૮૦ એમ.એલ.ની કુલ ૪૨૨ બોટલ દારૂ અને કાર સાથે ૬.૬૧ લાખનો મુદ્દામાલ સાથે કારમાં સાથે રહેલા આરોપી લાલાભાઈ સુરસિંગ બગેલ રહે. જવાનીયા અમ ગામ, તા. ભાભરા, દીપુ મગનભાઈ અખાડિયા રહે. જવાનીયા પટેલ ફળિયું, તા. ભાભરા, મુકેશ ઉર્ફે મુકામ અંતરભાઈ બામણીયા રહે. બડી જવારી, તા. જોબટ, ઈક્રમ રઘુભાઈ અવાસીયા (રહે. ગિરદા ગામ, તા.ભાભરાની ધરપકડ કરી રૂપિયા ૬,૬૧,૪૦૮ નો મુદ્દામાલ જપ્ત કર્યો હતો.

આ અંગેની કામગીરીમાં પીઆઇ વીવી ઓડેદરા, પીએસઆઇ એચસી ગોહિલ, પી એસ આઇ.આર.વી ભીમાણી, એએસઆઈ બાલકૃષ્ણ ત્રિવેદી ઇન્દ્રસિંહ જાડેજા, જયવિરસિંહ રાણા, ભગીરથસિંહ જાડેજા, ધર્મેન્દ્રભાઈ બાવળિયા, વાઘાભાઈ આલ, મનોજભાઈ બાયલ, મહિપાલસિંહ ચુડાસમા સહિતની ટીમ જોડાઈ હતી.