પોલીસ સૂત્રોમાંથી મળતી વિગતો મુજબ રાજકોટના ચંદ્રસિંહ પૃથ્વીસિંહ જાડેજા ઉંમર વર્ષ 27 રહે સ્ટાર રેસીડેન્સી સાધુવાસવાણી રોડ વાળાએ માલવિયાનગર પોલીસ મથકમાં ફરિયાદ નોંધાવી હતી.

ફરિયાદમાં જણાવ્યા મુજબ પોતે ફોરવીલ કાર સેલ્ફ ડ્રાઇવ થી ભાડે આપવાનો વ્યવસાય કરતા હોય તેમજ બ્રિજરાજસિહ સરવૈયા,શુભમ ચાવડા, ક્રિપાલસિંહ સરવૈયા સાથે બેસતા હોય તેમજ જય સોમનાથ સેલ્ફ રેન્ટલ કારવાળાની ઓફિસે હતા ત્યારે દર્પણ મણવર નામની વ્યક્તિનો ફોન આવેલ અને તેને વડોદરા જવા માટે બે દિવસ સેલ્ફ ડ્રાઈવ થી થાર કાર ભાડે જોઈતી હોય અંગે વાતચીત થઈ હતી.

જેથી બે કોરા ચેક આપી અન્ય ડોક્યુમેન્ટ તેમજ બે દિવસનું એડવાન્સ ભાડું 15000 એડવાન્સમાં આપી કાર જી.જે 03 પી. જે 9423 વાળી લઈ ગયા બાદ બે દિવસ વીતી ગયા બાદ પરત કાર નહીં આવતા દર્પણને ફોન કરતા તમારી કાર તારાપુર પાસે સોજીત્રા ગામે આમિર વોરા ને આપી દીધી છે તેમ કહી ફોન કટ કરી નાખ્યો હતો.

જેથી કારનું જીપીએસ સિસ્ટમ ચેક કરતા સોજીત્રા ગામ નું બતાવતા ફરી ફોન કરતા દર્પણ નો સંપર્ક ન થતા ૧૬.૨૦ લાખની કાર લઈ જઈ છેતરપિંડી આચરી હોવાની પોલીસ ફરિયાદ નોંધાવી હતી.

બીજી ફરિયાદમાં ઈલેક્ટ્રીક કોન્ટ્રાક્ટર બીપીનભાઈ રામજીભાઈ મારકણા ઉંમર 37 વાળા એ તાલુકા પોલીસ મથકમાં ફરિયાદ નોંધાવી હતી જેમાં તેઓની સ્વીફ્ટ કાર જી જે 03 પી જે 4907 મિત્ર દર્પણ મનસુખભાઈ મણવર રહે રિવેરા હોમ એપાર્ટમેન્ટ જીવરાજ પાર્ક વાળો પુના મહારાષ્ટ્ર ફરવા જવાનું કહી દસ દિવસ કાર લઈ ગયા બાદ પરત નહીં આપી ફોન કરતા કાર પુના પડી છે ત્યાં આવીને લઈ જજો તેમ કહી ફોન સ્વીચ ઓફ કરી દીધો હતો જે અંગે તાલુકા પોલીસ મથકમાં 9 લાખની કિંમતની કારની છેતરપિંડી કર્યાની પોલીસ ફરિયાદ નોંધાવી હતી.