બનાવની જાણવા મળતી વિગતો મુબજ, મવડીના રિદ્ધિ સિધ્ધિ સોસાયટીમાં રહેતા કુણાલભાઈ ભુપતભાઈ મોણપરા(ઉ.વ.૨૫)એ તાલુકા પોલીસ મથકમાં નોંધાવેલી ફરિયાદમાં આરોપી તરીકે ભાગીદારના મિત્ર પિયુષ મોલિયા અને તેની સાથેના ત્રણ અજાણ્યા શખસોના નામ આપ્યા છે. યુવાને ફરિયાદમાં જણાવ્યું હતું કે,પોતે બીલ્ડીંગ મટીરીયલ્સનો વેપાર કરે છે. ખારી ગામના અજયભાઈ શંખાવરા સાથે આઠેક મહીના પહેલા બીલ્ડીંગ મટીરીયલ્સનો રેતી કપચીનો ભાગીદારીથી ધંધો ચાલુ હતો.બાદમાં આ અજયભાઈ શંખાવરાને હિસાબ બાબતે અણબનાવ થતા બન્નેએ ભાગીદારી પુર્ણ કરી નાખવાનુ વિચાર્યું હતુ.બાદમાં વડીલોની હાજરીમાં આ ભાગીદારી પૂર્ણ કરી હતી.

આ રેતી કપચીનો વહીવટ આ અજયભાઈ શંખાવરા જ કરતા હોય જેથી હીસાબ કરેલ હતો. અને બધો હિસાબ થઈ જતા બાકી નીકળતા રૂ. ૧૩ લાખનો છેલ્લે હિસાબ નીકળતો હતો.જેમાથી યુવાનના ભાગે ૭ લાખ આવ્યા હતા અને આ અજયભાઇના ભાગે ૬ લાખ આવ્યા હતા.જેમા નક્કી કરેલ હતુ કે જેને જેનો માલ આપ્યો હોય તેને તેની પાસે થી ઉઘરાણી કરવાની હતી.જેથી અજયભાઇએ ફોન કરી ને કહેતા હતા કે મારી ઉઘરાણી પણ તારે કરવાની રહેશે. જેથી મે તેને ના પાડેલ હતી.

બાદમાં અજયભાઇએ ફોન કરેલ ન હતો અને આ અજયભાઇએ તેના મિત્ર પિયુષભાઈ મોલીયા સાથે મુલાકાત કરાવેલ હતી.ગઇ તા.૦૯/૦૪ના રોજ રાત્રી ના નવેક વાગ્યા આસપાસ ફોનમાં પીયુશભાઇ મોલીયાનો ફોન આવેલ અને કહેલ કે,વોટસઅપમાં મને ફોન કર જેથી યુવાને ફોન કરતા અજયભાઈ શંખાવરાની ઉઘરાણી ના પૈસા નો હવાલો મારી પાસે છે જેથી હવે તારે આ પૈસા ઉઘરાણી કરીને મને આપવાના છે. જેથી આરોપીઓએ સ્પીડવેલ પાર્ટી પ્લોટ બોલાવી પૈસાની લેતી દેતી કરી ઝઘડો કર્યો હતો અને ધમકી આપી બઘા કહેવા લાગેલ કે હવે તને જાનથી મારી નાખવો છે જોઈ લેજે હવે તુ અમને બીજી વાર ભેગો થા એટલી વાર છે.બાદમાં ત્યાંથી પોલીસની ગાડી નીકળતા આરોપીઓ ભાગી ગયા હતા.