ચેક રિર્ટન કેસમાં સજાના વોરંટ બાદ નાસતા ફરતા વિજયનગરના શખસને નાસતા ફરતા સ્કોવડ ઝોન ૧ની ટીમે ઝડપી લઇ જરૂરી કાર્યવાહી કરી હતી.

અલગ અલગ ગુનાઓમાં નાસતા ફરતા, વચગાળાના જામીનથી ફરાર તથા કોર્ટના સજાના વોરંટમાં ઘણા સમયથી ફરાર આરોપીઓને પકડી પાડવા ઉચ્ચ પોલીસ અધિકારી દ્વારા અપાયેલી સૂચનાના પગલે પી.એસ.આઇ.બી.વી. ચુડાસમાના માર્ગદર્શન હેઠળ નાસતા ફરતા સ્કોડ ઝોન- ૧ના એ.એસ.આઇ જયપાલસિંહ ઝાલા, પોલીસ કોન્સ્ટેબલ જુગલભાઈ કથીરિયા સહિતની ટીમને નેગોશીએબલ ઇન્સ્ટ્રુમેન્ટ એક્ટના ગુનામાં કોર્ટે આપાયેલી સજાના વોરંટમાં નાસતો ફરતો આરોપી જગદીશ કાળુભાઈ શિંગાળા (રહે ગુરુકૃપા સામે વિજયનગર ૩ ના છેડે કસ્તુરબા વાસ શેરી નંબર ૬) તેમના ઘરે હોવાની બાતમી મળી હતી. પોલીસે બાતમીના આધારે શખસને તેમના ઘરેથી દબોચી લઈ જરૂરી કાર્યવાહી કરી હતી.

આ કામગીરીમાં પી.એસ.આઇ. બી વી ચુડાસમા, નાસતા ફરતા સ્કોડ ઝોન ૧ના એ.એસ.આઈ. જયપાલસિંહ ઝાલા, પોલીસ કોન્સ્ટેબલ નિખિલભાઇ પીરોજીયા, નિલેશભાઈ જમોડ, જુગલભાઈ કથીરિયા સાથે રહ્યા હતા.