ભારતમાં હાલમાં ચાલી રહેલા તહેવારો અને લગ્નની સિઝન દરમિયાન ગ્રાહકો દ્વારા અભૂતપૂર્વ ખરીદી જોવા મળી રહી છે. સરકારી આંકડાઓ મુજબ, વર્ષ ૨૦૨૫માં આ સિઝનનો કુલ કારોબાર ₹૭ ટ્રિલિયન (₹૭ લાખ કરોડ) થી વધુ થવાનો અંદાજ છે. છેલ્લા કેટલાક વર્ષોમાં આ ભારતની સૌથી મોટી ખર્ચાળ સિઝનમાંથી એક સાબિત થવાની સંભાવના છે. આ જબરદસ્ત તેજીનું મુખ્ય કારણ કેન્દ્ર સરકારે તાજેતરમાં કરેલો GST (વસ્તુ અને સેવા કર) માં ઘટાડો છે.

GST ઘટાડાથી ગ્રાહકનો વિશ્વાસ વધ્યો

સરકારે જણાવ્યું કે તહેવાર અને લગ્નની સિઝન પહેલાં GST માં કરવામાં આવેલો ફેરફાર અત્યંત યોગ્ય સમયસર સાબિત થયો છે.

• ખરીદીમાં ઉછાળો: GST ઘટાડાથી ગ્રાહકોનો વિશ્વાસ વધ્યો છે અને લગભગ દરેક સેક્ટરમાં ખરીદીમાં જબરદસ્ત ઉછાળો જોવા મળી રહ્યો છે.
  
  

• અર્થતંત્રને ગતિ: સરકારી પગલાંથી માત્ર વસ્તુઓની કિંમતમાં ઘટાડો નથી થયો, પરંતુ તહેવારોની અર્થવ્યવસ્થાને પણ નવી ગતિ મળી છે. તેનાથી સ્થાનિક સપ્લાય ચેઇન મજબૂત થઈ છે અને 'મેડ-ઇન-ઇન્ડિયા' ઉત્પાદનોની માંગ વધી છે.
  
  

• ડિજિટલ પેમેન્ટ: ડિજિટલ પેમેન્ટ્સમાં જબરદસ્ત વધારો નોંધાયો છે. ૨૧ સપ્ટેમ્બરે ₹૧.૧૮ ટ્રિલિયનથી વધીને ૨૨ સપ્ટેમ્બરે ₹૧૧.૩૧ ટ્રિલિયન સુધી પહોંચી ગયો.
  
  

અમદાવાદમાં ₹૨,૫૦૦થી ઓછી કિંમતના કપડાં પર GST ઘટ્યા બાદ કોટન ફેબ્રિકની માંગમાં લગભગ ૧૦% નો વધારો નોંધાયો છે, જ્યારે દિલ્હીમાં જ લગભગ ₹૭૫,૦૦૦ કરોડનું વેચાણ થયું હોવાનો અંદાજ છે.

ઓટો સેક્ટરમાં બમ્પર સેલ

ઓટોમોબાઇલ ઉદ્યોગે આ વર્ષની નવરાત્રી સિઝનને છેલ્લા ૧૦ વર્ષમાં સૌથી શાનદાર ગણાવી છે.

કન્ઝ્યુમર ઇલેક્ટ્રોનિક્સમાં રેકોર્ડબ્રેક ખરીદી

GSTમાં ઘટાડાનો ફાયદો ઘરેલું ઇલેક્ટ્રોનિક્સ બજારમાં પણ સ્પષ્ટપણે જોવા મળ્યો.

• વેચાણ વધારો: ટીવી, ફ્રિજ અને વોશિંગ મશીનનું વેચાણ ૪૦-૪૫% વધ્યું, ખાસ કરીને પ્રીમિયમ ઉત્પાદનોમાં.
  
  

• Haier: ૮૫% ની જબરદસ્ત વૃદ્ધિ નોંધાવી, અને ૮૫-ઇંચ તથા ૧૦૦-ઇંચ ટીવીનો દિવાળી સ્ટોક લગભગ સમાપ્ત થઈ ગયો.
  
  

• રિલાયન્સ રિટેલ: વેચાણ ૨૦-૨૫% વધ્યું, જેમાં મોટા ટીવી અને સ્માર્ટફોનની માંગ સર્વાધિક રહી.