પ્રાપ્ત વિગત મુજબ નવાગામ રાણપુરમાં રહેતા રૈયાભાઈ ઉર્ફ રવજીભાઈ કુરીયાની 15 વર્ષીય પુત્રી જીવાંશી મંગળવારે ઘર પાસે રમતી હતી ત્યારે પડોશમાં રહેતા રમેશભાઈ ધામેચા તેની કાર જીજે-૦૩-જેએલ-૧૧૧૬ લઈને નીકળ્યા હતાં. ત્યારે કારની ઠોકરે ચડી જતા નીચે પડી જવાથી કારનું આગળનું વ્હીલ માથે ફરી વળતા માથામાં ઇજા થવાથી માતા સહિતના દોડી ગયા હતા અને તાકીદે સારવાર માટે ગિરિરાજ હોસ્પિટલમાં ખસેડવામાં આવી હતી. જ્યાં સારવાર દરમિયાન મોત નિપજતા પરિવારમાં કલ્પાંત સર્જાયો હતો. બનાવ અંગે હોસ્પિટલ સ્ટાફ દ્વારા કુવાડવા પોલીસને જાણ કરવામાં આવતા પોલીસ સ્ટાફે હોસ્પિટલ પહોંચી જરૂરી કાર્યવાહી કરી મૃતદેહને પીએમ માટે સિવિલ હોસ્પિટલએ ખસેડી જરૂરી કાર્યવાહી કરી હતી.

જિયાંશી એક ભાઇમાં મોટી હતી. પિતા રૈયાભાઈ કુવાડવા રોડ પર ચાંદીકામના કારખાનામાં નોકરી કરે છે. બનાવના પગલે મૃતકના પિતાની ફરિયાદના આધારે કાર ચાલક રમેશભાઈ ધામેચા સામે ગુનો નોંધી આગળની કાર્યવાહી હાથ ધરી છે.