જાણવા મળતી વિગતો મુજબ કાલાવડમાં રહેતી દીપીકા તુલસીભાઈ રાબડીયા (ઉ.વ. 24) નામની યુવતીની ગઈકાલ રાત્રિના ઘરે અચાનક ઉલટી થવા લાગતા અને તબિયત બગડતા કાલાવડમાં સ્થાનિક હોસ્પિટલમાં સારવાર માટે ખસેડાઈ હતી. પરંતુ યુવતીની હાલત વધુ ગંભીર જણાતા વધુ સારવાર માટે તેને રાજકોટની ગિરિરાજ હોસ્પિટલમાં સારવાર માટે ખસેડવામાં આવી હતી. અહીં સારવાર દરમિયાન આજરોજ સવારના સુમારે યુવતીનું મોત થયું હતું. બનાવની જાણ થતા આ મામલે તાલુકા પોલીસે જરૂરી કાર્યવાહી કરી હતી.

વધુમાં જાણવા મળતી વિગતો મુજબ, યુવતીના પિતા તુલસીભાઈ ટ્રાવેલ્સના ધંધાર્થી છે અને સાથોસાથ તેઓ ખેડૂત પણ છે. દીપિકાના લગ્ન આગામી તારીખ 28/12/2025 ના સમૂહલગ્નમાં નિર્ધારિત કરાયા હતા. એટલું જ નહીં આવતીકાલે તારીખ 27/12 ના યુવતીની સગાઈ થવાની હતી. લગ્નના બે દિવસ પૂર્વે જ યુવતીનું મોત થતાં પરિવારમાં શોક છવાઈ ગયો હતો.