જે આઈપીઓની લાંબા સમયથી રાહ જોવાઈ રહી હતી એ દેશનો સૌથી મોટો અને મુકેશ અંબાણીનો જીઓ પ્લેટફોર્મ્સ આઈપીઓ આજે ખુલ્યો છે. આ માટે પ્રાઇસ બેન્ડ 1,065–1,119 પ્રતિ શેર નક્કી કરવામાં આવ્યો છે. શેરની ફાળવણી 26 ઓક્ટોબરે અંતિમ સ્વરૂપ આપવાની અપેક્ષા છે. આ શેર 28 ઓક્ટોબરે બીએસઈ અને એનએસઈ પર લિસ્ટ થઈ શકે છે. રોકાણકારો 30,213 કરોડના આ આઈપીઓની આતુરતાથી રાહ જોઈ રહ્યા છે. આનો અંદાજ એ વાત પરથી લગાવી શકાય છે કે કંપનીની એન્કર બુકમાં આશરે 8,110 કરોડની ફાળવણી સામે આશરે 2.5 લાખ કરોડની બિડ મળી હતી. 2,500 કરોડ સુધીના શેર પણ રિલાયન્સના શેરધારકો માટે અનામત રાખવામાં આવ્યા છે.

આ એક સંપૂર્ણપણે નવો ઇશ્યૂ છે, એટલે કે કોઈ પણ હાલના શેરધારકો શેર વેચી રહ્યા નથી. જિયો પ્લેટફોર્મ્સનો આઈપીઓ 21 ઓક્ટોબરથી 23 ઓક્ટોબર, 2026 સુધી જાહેર સબ્સ્ક્રિપ્શન માટે ખુલ્લો છે. જિયો માટે ઓછામાં ઓછા 12 શેર જરૂરી છે. 1,119ના ઉપલા પ્રાઇસ બેન્ડ પર, કિંમત 13,428 છે.

શેરધારકોને મળનારા લાભો

રોકાણકારો 12 શેરના ગુણાંકમાં અરજી કરી શકે છે. ઉપલા પ્રાઇસ બેન્ડ પર, શેરધારક મહત્તમ 14 લોટ માટે બિડ કરી શકે છે, જેમાં 168 શેરનો સમાવેશ થાય છે, અને તેને 1.87 લાખની જરૂર પડશે. રિલાયન્સ ઇન્ડસ્ટ્રીઝના શેર ધરાવતા રોકાણકારો પાસે 2,500 કરોડના ખાસ 'શેરહોલ્ડર રિઝર્વેશન' દ્વારા શેર ખરીદવાની વધારાની તક છે. લાયક રોકાણકારો 'શેરહોલ્ડર' અને 'રિટેલ' બંને શ્રેણીઓમાં અરજી કરી શકે છે. આનાથી શેર ખરીદવાની તેમની તકો વધશે. 14 ઓક્ટોબર, 2026 સુધી રિલાયન્સ ઇન્ડસ્ટ્રીઝના શેર ધરાવતા વ્યક્તિગત રોકાણકારો આ શેરહોલ્ડર રિઝર્વેશન હેઠળ અરજી કરવા પાત્ર છે. 14 ઓક્ટોબર અથવા તે પછી આરઆઈએલના શેર ખરીદનારા રોકાણકારો પાત્ર રહેશે નહીં.

પ્રવર્તમાન ગ્રે માર્કેટ પ્રીમિયમ 260ની આસપાસ પહોંચ્યુ

આઈપીઓ ખુલતા પહેલા, જીઓ પ્લેટફોર્મના શેર માટે ગ્રે માર્કેટ પ્રીમિયમ 260ની આસપાસ ફરતું હતું. આ 1,119ના ઉપલા ભાવ બેન્ડ કરતાં આશરે 23.24%નું પ્રીમિયમ દર્શાવે છે. આ પ્રીમિયમના આધારે, શેરની સંભવિત લિસ્ટિંગ કિંમત પ્રતિ શેર આશરે 1,379 છે. જોકે, ગ્રે માર્કેટના ભાવ બિનસત્તાવાર છે, માંગ સાથે વધઘટ થાય છે અને લિસ્ટિંગ નફાની ગેરંટી આપતા નથી. શેરની ફાળવણી 26 ઓક્ટોબરના રોજ અંતિમ સ્વરૂપ આપવાની અપેક્ષા છે. આ શેર 28 ઓક્ટોબરના રોજ બીએસઈ અને એનએસઈ પર લિસ્ટ થવાની ધારણા છે. આ ઓફરમાં 270 મિલિયન નવા ઇક્વિટી શેરનો સમાવેશ થાય છે, જે પ્રાઇસ બેન્ડના ઉપલા છેડે 30,213 કરોડ સુધી એકત્ર કરી શકે છે. આ કિંમતે, જીઓ પ્લેટફોર્મ્સનું મૂલ્ય આશરે 10.3 લાખ કરોડ થશે, જે તેને દેશની ટોચની કંપનીઓમાં સ્થાન આપશે.