અમદાવાદથી મુંબઈ અને મુંબઈથી અમદાવાદ અપ-ડાઉન કરતા હજારો મુસાફરોની સુવિધા માટે પશ્ચિમ રેલવે દ્વારા એક મહત્વપૂર્ણ જાહેરાત કરવામાં આવી છે. ટ્રેનોમાં મુસાફરોની વધતી જતી સંખ્યા અને કન્ફર્મ ટિકિટ મેળવવામાં પડતી હાલાકીને ધ્યાનમાં રાખીને, રેલવે પ્રશાસન દ્વારા વિશેષ ભાડા સાથે બે જોડી નવી વિશેષ ટ્રેનો (Special Trains) દોડાવવાનો નિર્ણય લેવામાં આવ્યો છે.

આ ટ્રેનો શરૂ થવાથી આગામી દિવસોમાં મુસાફરોને વેટિંગ લિસ્ટની સમસ્યામાંથી મોટી રાહત મળશે અને મુસાફરી વધુ સુગમ બનશે.

ટ્રેનોનું શિડ્યુલ અને વિગત
પશ્ચિમ રેલવે દ્વારા જાહેર કરાયેલી વિગત અનુસાર, મુસાફરોની સુવિધા માટે નીચે મુજબની ટ્રેનો દોડાવવામાં આવશે:

૧. મુંબઈ સેન્ટ્રલ - અમદાવાદ - મુંબઈ સેન્ટ્રલ એસી સુપરફાસ્ટ સ્પેશિયલ

ટ્રેન નંબર: 09021 / 09022

વિશેષતા: આ ટ્રેન સુપરફાસ્ટ સ્પેશિયલ તરીકે દોડશે, જે મુંબઈ અને અમદાવાદ વચ્ચેના મુસાફરોને આરામદાયક અને ઝડપી સફરનો અનુભવ કરાવશે.

૨. અમદાવાદ - બાન્દ્રા ટર્મિનસ - વટવા સુપરફાસ્ટ સ્પેશિયલ

ટ્રેન નંબર: 09044 / 09043

વિશેષતા: આ ટ્રેન અમદાવાદથી ઉપડી બાન્દ્રા ટર્મિનસ અને વટવા વચ્ચે સુપરફાસ્ટ સ્પેશિયલ તરીકે દોડાવવામાં આવશે, જે મધ્યમ વર્ગના મુસાફરો માટે ખૂબ જ ઉપયોગી સાબિત થશે.

બુકિંગ અને ભાડા અંગેની માહિતી
રેલવે પ્રશાસના જણાવ્યા મુજબ, આ વિશેષ ટ્રેનોનું ભાડું રેલવેના નિયમો અનુસાર 'વિશેષ ભાડા' (Special Fare) ધોરણે નક્કી કરવામાં આવ્યું છે. મુસાફરો આ ટ્રેનોના ઓપરેશનના દિવસો, સ્ટોપેજ અને સમયના ચોક્કસ શિડ્યુલની માહિતી IRCTC ની સત્તાવાર વેબસાઇટ અથવા રેલવે પૂછપરછ કેન્દ્ર પરથી મેળવી શકશે. આ ટ્રેનોનું બુકિંગ ટૂંક સમયમાં જ ઓનલાઈન અને ઓફલાઈન કાઉન્ટર પર શરૂ કરી દેવામાં આવશે.