યુનાઇટેડ સ્ટેટ્સ, તાઇવાન, જાપાન, સિંગાપોર, આયર્લેન્ડ, નેધરલેન્ડ, ડેનમાર્ક, ફિનલેન્ડ, જર્મની, બેલ્જિયમ અને ચિલી. ગૂગલ અને તેની પેટાકંપનીઓ હાલમાં 11 દેશોમાં 29 સ્થળોએ ડેટા સેન્ટર ચલાવે છે.

આ ડેટા સેન્ટર ક્લસ્ટર વિશાખાપટ્ટનમ જિલ્લાના અદાવિવરમ અને તારલુવાડા ગામો અને પડોશી અનાકાપલ્લે જિલ્લાના રામબિલી ગામમાં ત્રણ અલગ-અલગ કેમ્પસમાં બનાવવામાં આવશે. ત્રણ ઉચ્ચ-ક્ષમતાવાળા સબમરીન કેબલ સ્થાપિત કરવામાં આવશે, જેમાં સમર્પિત કેબલ લેન્ડિંગ સ્ટેશન અને મેટ્રો ફાઇબર લાઇનનો સમાવેશ થાય છે. રાજ્ય સરકારનો હેતુ મુંબઈ કરતા બમણી લંબાઈનું સબમરીન કેબલ નેટવર્ક બનાવવાનો છે.

આંધ્રપ્રદેશના મુખ્યમંત્રી એન. ચંદ્રબાબુ નાયડુએ ડિસેમ્બર 2024 માં ગુગલ સાથે એક એમઓયુ પર હસ્તાક્ષર કરી ચૂક્યા છે. આ પ્રોજેક્ટને અંતિમ મંજૂરી મળવાની અપેક્ષા છે અને 14 ઓક્ટોબરના રોજ ગુગલ ટીમ અને રાજ્યના આઇટી મંત્રી નારા લોકેશ વચ્ચે ઔપચારિક રીતે હસ્તાક્ષર કરવામાં આવશે. ડેટા સેન્ટર ક્લસ્ટર જુલાઈ 2028 સુધીમાં કાર્યરત થવાની અપેક્ષા છે. જોકે, ગુગલે આ અંગે કોઈ ટિપ્પણી કરી નથી.

આ ડેટા સેન્ટર ક્લસ્ટર ભારતના પ્રથમ આંતરરાષ્ટ્રીય એઆઈ ઇન્ફ્રાસ્ટ્રક્ચરનું હબ બનશે. આ આંધ્રપ્રદેશ અને સમગ્ર ભારતના અર્થતંત્રને વેગ આપશે અને અદ્યતન સંશોધન અને વિકાસને વેગ આપશે. આ રોકાણ દેશમાં એઆઈ, ક્લાઉડ કમ્પ્યુટિંગ અને ડેટા પ્રોસેસિંગની માંગને પહોંચી વળવામાં મહત્વપૂર્ણ ભૂમિકા ભજવશે.