ગુજરાત એટીએસએ ગોધરામાં સર્ચ ઓપરેશન હાથ ધર્યું હતું. સ્થાનિક પોલીસને પણ સાથે રાખી હતી. ગોધરાના લધુમતી વિસ્તારમાંથી બે શંકાસ્પદ શખસને ઉઠાવ્યા હોવાની જાણકારી હાલ મળી રહી છે. આ બંને શખસ 25 દિવસ પાકિસ્તાનમાં રોકાઈને પરત આવ્યા છે. જેને લઈ એટીએસ દ્વારા બે શંકાસ્પદ શખસને SP કચેરી ખાતે લાવી વધુ પૂછપરછ હાથ ધરવામાં આવી છે.

પંચમહાલના ગોધરા શહેરમાં વહેલી સવારથી ગુજરાત એટીએસની ટીમે ધામા નાખ્યા હતા. જેમાં ગોધરા શહેરના લઘુમતી વિસ્તારમાં ટીમે સ્થાનિક પોલીસને સાથે રાખી સર્ચ ઓપરેશન હાથ ધર્યુ હતું. પોલીસે બે શખસની અટકાયત કરી હોવાનું જાણવા મળ્યું છે. હાલ SP કચેરીએ આ બન્ને શખસની પૂછપરછ હાથ ધરાઈ છે. ​​​​​​​

6 દિવસ પહેલાં સાણંદમાં NIAએ સર્ચ કર્યું હતું
6 દિવસ પહેલા અમદાવાદના સાણંદમાં મદરેસામાં કામ કરતી એક શંકાસ્પદ વ્યક્તિ આદિલની NIA (નેશનલ ઈન્વેસ્ટિગેશન એજન્સી)એ અટકાયત કરી પૂછપરછ હાથ ધરી હતી. આતંકી સંગઠન જૈશ-એ- મોહમ્મદ સાથેના કનેકશનને લઈ શંકાસ્પદ વ્યક્તિની પૂછપરછ કરવામાં આવી હતી. જો કે બાદમાં આદિલને છોડી મૂકવામાં આવ્યો હતો અને સ્થાનિક પોલીસને તેના પર નજર રાખવા સૂચના આપવામાં આવી હતી.