શનિવારે, અમેરિકાના ટેનેસીમાં સશસ્ત્ર લૂંટ દરમિયાન 62 વર્ષીય ભારતીય મૂળના સ્ટોર માલિક સુરેશ પટેલની હત્યા કરવામાં આવી હતી. આ ઘટના ગુરુવારે રાત્રે 9 વાગ્યાની આસપાસ જેક્સનમાં રિજક્રેસ્ટ સેલર્સ વાઇન એન્ડ સ્પિરિટ્સ સ્ટોરમાં બની હતી. ઘટના દરમિયાન પટેલની 19 વર્ષની પુત્રી નજીકમાં ઉભી હતી અને તે આખી ઘટના ડરથી જોઈ રહી હતી.

સુરેશ પટેલની પુત્રીએ બંદૂકધારીને તેના પિતા પર ગોળીબાર કરતા જોયો હતો. હત્યાનો હેતુ હાલમાં અજ્ઞાત છે. પોલીસ તપાસ ચાલુ છે. જેસ્કોન પોલીસ વિભાગના જણાવ્યા અનુસાર, રિજક્રેસ્ટ સેલર્સ વાઇન એન્ડ સ્પિરિટ્સના માલિક સુરેશ પટેલ ગુજરાતના મહેસાણાના રહેવાસી હતા. ગુરુવારે રાત્રે 9 વાગ્યાની આસપાસ તેમની હત્યા કરવામાં આવી હતી.

સ્થાનિક મીડિયા અહેવાલો અનુસાર, ગોળીબારના થોડા દિવસ પહેલા જ પટેલે સ્ટોરનો કબજો સંભાળી લીધો હતો. ગોળીબાર સમયે તેમની પુત્રી પણ હાજર હતી. સ્થાનિક પ્રસારણકર્તા WBBJ અનુસાર, પ્રત્યક્ષદર્શીઓએ પોલીસને જણાવ્યું કે એક માસ્ક પહેરેલો વ્યક્તિ અચાનક સ્ટોરમાં ઘૂસી ગયો, બંદૂક કાઢી અને કર્મચારીઓને રોકડ માટે ધમકાવ્યો. પૈસા મેળવ્યા પછી, તેણે સુરેશ પટેલને ગોળી મારી દીધી, જેનું ઘટનાસ્થળે જ મૃત્યુ થયું.

આ ઘટના સ્ટોરમાં લગાવેલા સીસીટીવી કેમેરામાં કેદ થઈ ગઈ હતી. સીસીટીવીમાં દેખાતો શંકાસ્પદ વ્યક્તિ ગ્રે હૂડી, જીન્સ અને કાળા વર્ક-સ્ટાઈલ બુટ પહેરેલો એક કાળો માણસ હોવાનું વર્ણવવામાં આવ્યું છે. તેણે પેઇન્ટબોલ-સ્ટાઈલ માસ્કથી પોતાનો ચહેરો ઢાંક્યો હતો અને સફેદ સેડાનમાં સ્ટોરમાંથી ભાગી ગયો હતો.

WBBJએ સૂત્રોને ટાંકીને જણાવ્યું હતું કે પટેલે ગોળીબારના ત્રણ દિવસ પહેલા જ સ્ટોરના માલિક તરીકેનો કાર્યભાર સંભાળ્યો હતો. પોલીસે તપાસ શરૂ કરી છે અને શંકાસ્પદ વ્યક્તિની શોધ કરી રહી છે.