ઈટસ કન્ફર્મ! હાર્દિક પંડ્યા મોડેલ મહિકા શર્માને ડેટ કરી રહ્યો છે

 આ કપલ એરપોર્ટ પર ખુલ્લેઆમ હાથ પકડીને જોવા મળ્યું

નતાશા સ્ટેનકોવિકથી છૂટાછેડા લીધા પછી, હાર્દિક પંડ્યાને ફરીથી પ્રેમ મળ્યો હોય તેવું લાગે છે. ગઈકાલે રાત્રે તે તેની  ગર્લફ્રેન્ડ સાથે પહેલીવાર એરપોર્ટ પર જોવા મળ્યો હતો.

ગયા વર્ષે, બોલિવૂડ અભિનેત્રી નતાશા સ્ટેનકોવિક અને હાર્દિક પંડ્યાના છૂટાછેડા થયા. આ પછી, ક્રિકેટર બ્રિટિશ ગાયિકા-મોડેલ જાસ્મિન વાલિયા સાથે જોડાયા હતા. જોકે, થોડા મહિનામાં જ તેઓ અલગ થઈ ગયા. આ પછી, અફવાઓ ફેલાઈ કે હાર્દિક પંડ્યા મોડેલ અને અભિનેત્રી મહિકા શર્મા સાથે સંબંધમાં છે. હવે, એવું લાગે છે કે આ અફવાઓ ખરેખર સાચી છે. ગઈકાલે રાત્રે, ક્રિકેટર તેની કથિત ગર્લફ્રેન્ડ મહિકા શર્મા સાથે એરપોર્ટ પર જોવા મળ્યો હતો.

જેણે બધાનું ધ્યાન ખેંચ્યું હતું તે હાર્દિક પંડ્યાની કથિત ગર્લફ્રેન્ડ મહિકા શર્મા હતી. વાસ્તવમાં આ પહેલી વાર છે જ્યારે બંને સાથે જોવા મળ્યા છે.

એરપોર્ટ પર, હાર્દિક ગર્લફ્રેન્ડ સાથે કાળા રંગના ટ્વીન પહેરેલો જોવા મળ્યો હતો.માહિકા શર્માએ કાળા રંગના ટ્રાઉઝર અને કાળા રંગના ફુલ-સ્લીવ ટી-શર્ટ સાથે બ્લેક જેકેટ પહેર્યું હતું માહિકા નો-મેકઅપ લુકમાં પણ સ્ટાઇલિશ લાગી રહી હતી.

હાર્દિક પંડ્યા વાદળી અને કાળા રંગના ટી-શર્ટ અને કાળા રંગના ટ્રાઉઝર સાથે જેકેટમાં ડેશિંગ દેખાતો હતો. એરપોર્ટ પર હાર્દિક ખુલ્લેઆમ તેની કથિત ગર્લફ્રેન્ડ સાથે હાથ પકડેલો જોવા મળ્યો હતો.

બંનેના ફોટા હવે સોશિયલ મીડિયા પર ધૂમ મચાવી રહ્યા છે. આ ફોટા જોઈને, નેટીઝન્સ કહી રહ્યા છે કે ક્રિકેટરે હવે માહિકા સાથેના તેના અફેરની અફવાઓની પુષ્ટિ કરી છે.