રાજ્યમાં ઉનાળો હવે તેના પૂરા મિજાજમાં આવી ગયો છે. વાતાવરણમાં સતત વધી રહેલા તાપમાનના કારણે નાગરિકો ત્રાહિમામ પોકારી ઉઠ્યા છે. આજે 24 મે 2026 ના રોજ રાજ્યના મુખ્ય શહેરોમાં મહત્તમ તાપમાનનો પારો રેકોર્ડ બ્રેક સ્તરે પહોંચ્યો છે, જેમાં મોટાભાગના શહેરોમાં તાપમાન 41 ડિગ્રીને પાર થઈ ગયું છે.

અમદાવાદ અને ગાંધીનગરમાં ભઠ્ઠી જેવી ગરમી
આજના આંકડાઓ પર નજર કરીએ તો મેગા સિટી અમદાવાદ 42.2 ડિગ્રી મહત્તમ તાપમાન સાથે રાજ્યનું સૌથી ગરમ શહેર નોંધાયું છે. બપોરના સમયે રસ્તાઓ સુમસામ ભાસી રહ્યા હતા. જ્યારે પાટનગર ગાંધીનગર પણ પાછળ નથી, ત્યાં તાપમાન 42.0 ડિગ્રી નોંધાયું છે.

​​​​​​​વધતી જતી ગરમી અને હીટવેવની શક્યતાઓને જોતા નાગરિકોને બપોરે 12 થી 4 વાગ્યા દરમિયાન બિનજરૂરી બહાર ન નીકળવા, સુતરાઉ કપડાં પહેરવા અને શરીરમાં પાણીનું પ્રમાણ જળવાઈ રહે તે માટે સતત પ્રવાહી (લીંબુ પાણી, છાશ, ઓ.આર.એસ.) લેતા રહેવાની અપીલ કરવામાં આવી છે.