પોલીસ સૂત્રોમાંથી મળતી વિગતો મુજબ રાજકોટ શહેરના ક્રાઈમ બ્રાન્ચના યુવા ડીસીપી જગદીશ બાંગરવાની સુચના અને એસીપી બીબી બસીયાના માર્ગદર્શન હેઠળ પીઆઇ એમ આર ગોંડલીયાની રાહબરિમા પીએસઆઇ વી ડી ડોડીયા અને ટીમ વિસ્તાર પેટ્રોલિંગમાં નીકળ્યા હતા.

તે દરમિયાન ડીસીબીના દિલીપભાઈ બોરીચા, દીપકભાઈ ચૌહાણ,જયરાજભાઇને મળેલ ચોક્કસ બાતમીના આધારે કોઠારીયા લિજ્જત પાપડ પાસે વોચ ગોઠવી હતી ટ્રકને ઝડપી લેતા વાયરના બંડલ ની આડમાં ચોરખાનામાં છુપાવેલો 156 બોટલ વિદેશી દારૂ કિંમત 3,89,160 નો તેમજ ટ્રક મળી કુલ 8,94,160 નો મુદ્દામાલ કબજે કરી ટ્રક ચાલક ચંદનસિંહ ચૌહાણની ધરપકડ કરી હતી.

ઝડપાયેલા ટ્રક ડ્રાઇવરની પૂછપરછમાં આ દારૂનો જથ્થો ગુડગાંવથી ટ્રકમાં ભરી વાયરના બંડલની આડમાં ચોરખાનામાં છુપાવેલો વિદેશી દારૂ રાજસ્થાનના અલવર થી રાજકોટના ટ્રકના માલિક વિક્રમસિંહ ચૌહાણએ ટ્રક ચાલક ભીલવાડા ના ખરેડા ખલિયા ના ચંદનસિંહ નેનુસિંગ રાવતને સોપ્યો હતો તેમજ આ દારૂ રાજકોટમાં ટ્રક માલિક વિક્રમસિંહ ચૌહાણ ડીલેવરી લેતે પૂર્વે જ ક્રાઈમ બ્રાન્ચે ઝડપી આગળની કાર્યવાહી હાથધરી છે.

આ અંગેની કામગીરીમાં ક્રાઈમ બ્રાન્ચના પીઆઇ એમ.આર ગોંડલીયા, પીઆઇ મનોજ ડામોર, પીઆઇ સીએચ જાદવ, પીએસઆઇ વીડી ડોડીયા, હેડ કોન્સ્ટેબલ જયરાજસિંહ કોટીલા, દિલીપભાઈ બોરીચા રાજેશભાઈ જ્ળુ,દિગપાલસિંહ જાડેજા, અમિત અગ્રાવત, સંજય રૂપાપરા, વિશાલ દવે સહિતની ટીમ જોડાઈ હતી.