ઈરાનને પાઠ ભણાવવા મથતું અમેરિકા કુદરતી આપત્તિનો સામનો કરી રહ્યું છે. ગ્રેટ લેક્સથી રાજધાની વોશિંગ્ટન ડીસી સુધીના પૂર્વી અમેરિકાના ૧૫ રાજ્યના લોકો સતત ત્રીજા દિવસે વિનાશક હવામાનનો સામનો કરી રહ્યા છે. સતત ત્રીજા દિવસે જંગલમાં આગ લાગી છે.ને ધુમાડો સર્વત્ર ફેલાયેલો રહેતા જન જીવન પ્રભાવિત બન્યું છે. અમેરિકામાં શુક્રવારે ૬૮ આગના અહેવાલો મળ્યા. લાખો અમેરિકનો ગંભીર આરોગ્ય સંકટનો સામનો કરી રહ્યા છે અને તેમને ઘરની અંદર રહેવાની સલાહ આપવામાં આવી રહી છે.પૂર્વીય અમેરિકામાં બધે ધુમાડો છે, ત્યારે દક્ષિણ ભાગને પૂર અસર કરી રહ્યું છે. પશ્ચિમ અમેરિકામાં જ્વાળાઓ ઝડપથી ફેલાઈ રહી છે.અગ્નિશામકો આગને કાબુમાં લેવા માટે સંઘર્ષ કરી રહ્યા છે. અગ્નિશામક પ્રયાસ માટે ૧૭,૪૦૦ કર્મચારીઓ, ૧૪૦ હેલિકોપ્ટર અને લશ્કરના ચાર સી-૧૩૦ એર ટેન્કરની પણ જરૂર પડી છે.આ વર્ષે આગથી આશરે ૩૭ કરોડ એકર જમીન પ્રભાવિત થઈ છે. હવામાનશાસ્ત્રીઓ આ માટે આબોહવા પરિવર્તનને જવાબદાર માને છે.