બેટદ્વારકામાં ડિમોલિશનની પ્રક્રિયા છેલ્લા 2 દિવસથી ચાલુ છે અને આજે પણ દાદાનું બુલડોઝર ત્યાં ફરી રહ્યું છે. સરકારી જમીન ખાલી કરાવાઈ રહી છે. જે અંતર્ગત 36,900 ચોરસ મીટર જમીન, જેની અંદાજિત બજાર કિંમત રૂપિયા 19,35,72,000 છે. આ જમીન પર 144 રહેણાંક મકાનો અને એક ધાર્મિક સ્થળ બનેલું હતું જેનું ડિમોલીશન કરવામાં આવ્યું છે. આ ડિમોલીશન બાબતે રાજ્યના ગૃહમંત્રી હર્ષ સંઘવીને ધમકી આપવામાં આવી હતી.

આ ધમકી ટ્વીટર પર પોસ્ટ કરીને આપવામાં આવી હતી. જેમાં રાજ્યમંત્રીને ટેગ કરવામાં આવ્યા હતા. આ વિવાદિત પોસ્ટને લઈને પોલીસે તપાસ હાથ ધરી છે. ગેસ્ટ ફ્રોમ માર્સ નામના ટ્વીટર હેન્ડલ પરથી પોસ્ટ કરાઈ છે. જેમાં લખાયું છે કે  બેટ દ્વારકામાં દબાણો દૂર કરવાની કામગીરીને અમે યાદ રાખીશું. બેટ દ્વારકા હંમેશા આ વાત યાદ રાખશે. તમે જે આપ્યું છે તે જનતા અને બાળકો હંમેશા યાદ રાખશે.

હાલમાં એવી માહિતી મળી છે કે આ પોસ્ટ કરનાર વ્યક્તિની ઓળખ થઇ ગઈ છે અને તે પોલીસની પકડથી માત્ર હાથવેંત જ દૂર છે. ગુજરાતની ટેકનિકલ ટીમ અને દ્વારકા પોલીસે ચક્રો ગતિમાન કર્યા છે.