યમનના હુતી વિદ્રોહીઓએ સાઉદી અરેબિયા પર ફરી એકવાર મોટો હુમલો કરવાનો દાવો કર્યો છે. હુતીઓ દ્વારા જારી કરવામાં આવેલા નિવેદન અનુસાર, વિદ્રોહીઓએ સાઉદી અરેબિયાના 5 થી વધુ અત્યંત મહત્વપૂર્ણ વ્યૂહાત્મક અને ઊર્જા મથકો પર ડ્રોન અને મિસાઇલો વડે હુમલો કર્યો છે. જોકે, આ હુમલાઓ અંગે સાઉદી અરેબિયાના અધિકારીઓ તરફથી હજુ સુધી કોઈ સત્તાવાર પુષ્ટિ કે નિવેદન સામે આવ્યું નથી, જેના કારણે વિસ્તારમાં તણાવ વધવાની આશંકા વ્યક્ત કરવામાં આવી રહી છે.
​​​​​​​

હુતી વિદ્રોહીઓના દાવા મુજબ, જે મુખ્ય સ્થળો પર હુમલો કરવામાં આવ્યો છે તેમાં સાઉદી અરેબિયાની રાજધાનીનું મુખ્ય આંતરરાષ્ટ્રીય હવાઈ મથક રિયાધ એરપોર્ટ પણ સામેલ છે. આ ઉપરાંત, વિદ્રોહીઓએ યાનબૂ સ્થિત સાઉદી અરામકો ફેસિલિટી, રાબિખ ઓઇલ રિફાઇનરી, દમ્મામ સ્થિત કિંગ ફહદ ઇન્ટરનેશનલ એરપોર્ટ, નજરાન એરપોર્ટ અને ખમીસ મુશૈતના એરબેઝને પણ નિશાન બનાવ્યા છે.