વ્હાઇટ હાઉસમાં કેબિનેટની બેઠક શરૂ થતાં જ ટ્રમ્પે મસ્કને ડોજની કામગીરી અંગે પ્રશ્ન કર્યો. આ અંગે મસ્કે કહ્યું કે તે આ વિભાગમાં ખૂબ જ મહેનત કરી રહ્યો છે. આપણે સરકારી નાણાંનો બચાવ કરવો પડશે. ડોજ ટીમ આ કાર્યમાં રોકાયેલી છે. અમારો ઉદ્દેશ્ય વધુ પડતા સરકારી ખર્ચ પર નિયંત્રણ લાવવાનો છે. જો આપણે આ નહીં કરીએ તો અમેરિકા નાદાર થઈ જશે.

મસ્કે કહ્યું કે રાષ્ટ્રીય હિતમાં આ કાર્ય માટે મને જાનથી મારી નાખવાની ધમકીઓ પણ મળી રહી છે. હાલમાં આપણો દેશ 2 ટ્રિલિયન ડોલરની ખાધમાં છે પણ હું માનું છું કે આપણે ભૂલો કરીએ છીએ. ડોજ પણ ભૂલો કરશે કારણ કે આપણે કોઈ પરફેક્ટ નથી પણ જ્યારે આપણે ભૂલ કરીએ છીએ, ત્યારે આપણે કેટલી ઝડપથી તે ભૂલ સુધારીએ છીએ, આ એક મોટો પ્રશ્ન છે.