રાજ્યના ગૃહમંત્રી હર્ષ સંઘવીના આદેશ બાદ પોરબંદર જિલ્લાના ૧૯૫ અસામાજિક તત્ત્વોને ત્યાં પોલીસ અને પી.જી.વી.સી.એલ.ની ટીમ દ્વારા તપાસ હાથ ધરવામાં આવતા તે પૈકી ૭૧ ઇસમોને ત્યાં થયેલી તપાસમાં ૧૨ શખ્શોએ ગેરકાયદેસર કનેકશન લીધા હોવાથી કાપી નાખવામાં આવ્યા છે તથા ૧૦ શખ્શોને ૧૩ લાખનો દંડ ફટકારવામાં આવ્યો છે.
ગુજરાત રાજયભરમાં હાલ ચાલી રહેલ અસામાજિક તત્ત્વો વિ‚ધ્ધની મેગા ડ્રાઇવ કામગીરી સબબ બનાવેલ યાદીના અસામાજિક તત્વો વિ‚ધ્ધ પોરબંદર પોલીસ વિભાગ દ્વારા પી.જી.વી.સી.એલ.ની ટીમને સાથે રાખી કુલ ૭૧ ઇસમોના રહેણાંક, વાડી, દુકાન વગેરે સ્થળોએ રેઇડ કરવામાં આવેલ છે તથા ગેરકાયદેસર વીજ કનેકશન, વીજચોરી અંગેનું ચેકીંગ હાથ ધરવામાં આવેલ છે.જેમાં કુલ ૧૨ ઇસમોના વીજ કનેકશન ગેરકાયદેસર હોય તેમના વીજ કનેકશન કાપી, ઇલેકટ્રીક એકટ ૨૦૦૩ની કલમ ૧૩૫ હેઠળ કાર્યવાહી કરવામાં આવેલ છે. જેમાં કુલ ૧૦ ઇસમો વિ‚ધ્ધ વીજ કનેકશન શંકાસ્પદ હોય પી.જી.વી.સી.એલ. દ્વારા ઇલકટ્રીક એકટ ૨૦૦૩ની કલમ ૧૨૬ મુજબ કાર્યવાહી કરી ‚ા. ૧૩ લાખથી વધુનો દંડ કરવામાં આવેલ છે. કુલ ચાર ઇસમો વિ‚ધ્ધ ઘરમાંથી દેશી દા‚, આથો, ઇંગ્લીશ દા‚ મળી આવતા કેસ કરવામાં આવેલ છે. 
આગામી દિવસોમાં પણ પોરબંદર પોલીસ દ્વારા આ પ્રકારે ચેકીંગ કામગીરી કડક રીતે કરવામાં આવશે અને અસામાજિક તત્ત્વો  સામે આકરા પગલા ભરવામાં આવશે તેમ જણાવાયુ હતુ.