કેન્દ્રીય વન અને પર્યાવરણ મંત્રી ભૂપેન્દ્ર યાદવે તેમના એક્સ હેન્ડલ પર એક પોસ્ટમાં આ સમાચાર શેર કરીને ખુશી વ્યક્ત કરી હતી. તેમણે લખ્યું હતું કે, કુનો રાષ્ટ્રીય ઉદ્યાનમાં માદા ચિત્તા ગામિનીના ચોથા બચ્ચાના જન્મની પુષ્ટિ થઈ છે. આ ગામિનીનું ચોથું બચ્ચું છે, જે ક્ષેત્ર અને પશુચિકિત્સા ટીમો દ્વારા સતત નિરીક્ષણ અને દેખરેખ દ્વારા પુષ્ટિ મળી છે. ચારેય બચ્ચા હાલમાં સ્વસ્થ છે. હાલ ચિત્તાઓની કુલ સંખ્યા 39 છે, જેમાંથી 28 ભારતમાં જન્મ્યા હતા.

કુનો રાષ્ટ્રીય ઉદ્યાન અને પ્રોજેક્ટ ચિત્તા સંબંધિત નવીનતમ અપડેટ્સ અને ચિત્તા ગામિનીના ચોથા બચ્ચાની પુષ્ટિ સાથે, ભારતમાં જન્મેલા અને જીવંત ચિત્તાઓની કુલ સંખ્યા 28 પર પહોંચી ગઈ છે. આ ચિત્તા અને બચ્ચાઓ ભારતીય ભૂમિ પર જન્મ્યા હતા, જ્યારે કુલ ચિત્તાઓની વસ્તી હાલમાં 39 થઈ ગઈ છે.

75 વર્ષ પછી ભારતમાં ચિત્તા જોવા મળી રહ્યા છે. ચિત્તા પરિવારનું આ સુંદર સભ્ય 79 વર્ષ પહેલાં ભારતમાંથી લુપ્ત થઈ ચુક્યું હતું. ભારતમાં ચિત્તાને દક્ષિણ આફ્રિકા અને નામિબિયાથી લાવવામાં આવ્યા હતા અને પ્રોજેક્ટ ચિત્તા અને ચિત્તા પુનઃપ્રસાર પ્રોજેક્ટ હેઠળ કુનો રાષ્ટ્રીય ઉદ્યાનમાં ફરીથી વસાવવામાં આવ્યા હતા. 1947 માં ભારતમાંથી ચિત્તાઓને ખતમ કરવામાં આવ્યા હતા અને 17 સપ્ટેમ્બર, 2022 ના રોજ ફરીથી વસાવવામાં આવ્યા હતા. હાલમાં, કુનો ઉપરાંત ગાંધી સાગર રાષ્ટ્રીય ઉદ્યાનમાં ચિત્તાઓની સંખ્યા નોંધાઈ છે.