મધ્ય પૂર્વ સંઘર્ષને કારણે મોટાભાગના દેશોમાં વધતા જતા તેલ સંકટને ધ્યાનમાં રાખીને, અમેરિકાએ પ્રતિબંધો છતાં ઈરાન અને રશિયા પાસેથી તેલ ખરીદવા માટે છૂટ આપી હતી, જે હવે સમાપ્ત થઈ રહી છે અને સાથે સાથે અમેરિકાએ એ મર્યાદા વધારી દેવાની ઘસીને ના પડી દીધી છે. ટ્રમ્પના નજીકના સહાયક બેસન્ટે કહ્યું, હવે મુદત નહી જ વધે. આથી હવે દેશમાં ઉર્જા સંકટ વધુ ઘેરું બને તેવી સંભાવના છે.
મધ્ય પૂર્વ સંઘર્ષને કારણે મોટાભાગના દેશોમાં તેલ સંકટ વધી રહ્યું છે, તે જોતાં, અમેરિકાએ પ્રતિબંધો છતાં ઈરાન અને રશિયા પાસેથી તેલ ખરીદવાની છૂટ આપી હતી. આ મુદત હવે સમાપ્ત થઈ રહી છે. અમેરિકાએ આ છૂટ લંબાવવાનો ઇનકાર કર્યો છે. યુએસ ટ્રેઝરી સેક્રેટરી સ્કોટ બેસન્ટે બુધવારે (૧૫ એપ્રિલ) જાહેરાત કરી હતી કે વોશિંગ્ટન પ્રતિબંધો મુક્તિને લંબાવશે નહીં જે દેશોને રશિયા અને ઈરાન પાસેથી ઊર્જા ખરીદવાની મંજૂરી આપે છે. બેસન્ટે કહ્યું, અમે રશિયન તેલ અને ઈરાની તેલ માટે સામાન્ય લાઇસન્સ રિન્યુ કરીશું નહીં. ૧૧ માર્ચ પહેલા જહાજોમાં લોડ કરાયેલ અથવા પરિવહનમાં રહેલા તેલને વેચવાની મંજૂરી આપવામાં આવી હતી. બેસન્ટ કહે છે કે તે બધા જૂના તેલનો હવે ઉપયોગ અથવા વેચાણ થઈ ગયું છે.૧૨ માર્ચના રોજ, યુએસ ટ્રેઝરી ડિપાર્ટમેન્ટે ભારતીય રિફાઇનરોને પ્રીલોડેડ રશિયન તેલ ખરીદવાની મંજૂરી આપવા માટે ૩૦ દિવસની કામચલાઉ છૂટની જાહેરાત કરી હતી.
જે તે વખતે મુક્તિની જાહેરાત કરતા બેસન્ટે જણાવ્યું હતું કે, વૈશ્વિક બજારમાં તેલનો પુરવઠો ચાલુ રાખવા માટે, ટ્રેઝરી ડિપાર્ટમેન્ટ ભારતીય રિફાઇનરોને રશિયન તેલ ખરીદવાની મંજૂરી આપવા માટે ૩૦ દિવસની કામચલાઉ છૂટ આપી રહ્યું છે. આ નિર્ણય રશિયાના ફાયદા માટે નથી. તે ફક્ત પ્રતિબંધ સમયે સમુદ્રમાં રહેલા જહાજોને તેમનો જૂનો કાર્ગો વેચવાની મંજૂરી આપે છે. આ રશિયાને કોઈ નવો લાભ આપશે નહીં.
યુએસે આ કામચલાઉ છૂટને વૈશ્વિક ઉર્જા ભાવ, ખાસ કરીને ક્રૂડ તેલને સ્થિર કરવા માટે જરૂરી પગલું ગણાવ્યું હતું. ફેબ્રુઆરીના અંતમાં, યુએસ-ઈરાન સંઘર્ષને કારણે તેલના ભાવ પ્રતિ બેરલ ૧૦૦ ડોલરથી ઉપર વધી ગયા હતા. વોશિંગ્ટને અન્ય દેશોને ઈરાની તેલ ખરીદવાની મંજૂરી આપતા ૩૦ દિવસના લાયસન્સની જાહેરાત કરી હતી. રશિયન તેલ પર ડિસ્કાઉન્ટ ૧૧ એપ્રિલે સમાપ્ત થશે.