દેશના શહેરોમાં ટ્રાફિકની પેટર્ન બદલાવાની છે. આગામી બે-ત્રણ વર્ષમાં પેસેન્જર ડ્રોન અને એર ટેક્સી સર્વિસ કાર-બસની જેમ શરૂ થવા જઈ રહી છે. લગભગ અડધો ડઝન સ્ટાર્ટઅપ કંપ્નીઓ 2027-28ની વચ્ચે કોમર્શિયલ એરટેક્સી શરૂ કરવાની તૈયારી કરી રહી છે. ભારત મોબિલિટી ગ્લોબલ એક્સ્પોમાં, આ કંપ્નીઓએ એરટેક્સી, પેસેન્જર ડ્રોન અને ઈવીટીઓએલ (ઇલેક્ટ્રિક વર્ટિકલ ટેક-ઓફ-લેન્ડિંગ એરક્રાફ્ટ) માટેની યોજનાઓ અને વિઝન સાથે તેમના પ્રોટોટાઇપ્નું પ્રદર્શન કર્યું છે. એવિટલ અને વર્ટિકલ ટેકઓફ-લેન્ડિંગ એરક્રાફ્ટ (વીટોલ) ને ટેકઓફ અને લેન્ડિંગ માટે રનવેની જરૂર રહેશે નહીં.
તે રસ્તા, મેદાન કે ઘરની છત પર સરળતાથી લેન્ડ કરી શકશે અને ટેક-ઓફ કરી શકશે. ખાસ વાત એ છે કે આ એરટેક્સીમાં લોકો ઓલા-ઉબેર ટેક્સી સર્વિસની પ્રીમિયમ રાઈડ જેટલી જ કિંમતે એક શહેરથી બીજા શહેર અથવા શહેરની અંદર જઈ શકશે. સૌ પ્રથમ, આ સેવા ગ્રેટર નોઈડા અને દિલ્હી વચ્ચે અને બેંગલુરુ જેવા શહેરોમાં શરૂ થશે. આ કંપ્નીઓનું કહેવું છે કે આગામી પાંચ વર્ષમાં દેશભરના મોટા શહેરોમાં પેસેન્જર ડ્રોન અને એરટેક્સી સેવાઓ શરૂ થશે. આ એર ટેક્સીઓ કાર્ગો પ્લેન, એર એમ્બ્યુલન્સ, ઓર્ગન ટ્રાન્સપોર્ટેશન અને સર્વેલન્સ વગેરે માટે અનુકૂળ સાબિત થશે.
દેશમાં હાલમાં ઈ-ટોલ માટે કોઈ નીતિ નથી. તેને ધ્યાનમાં રાખીને નાગરિક ઉડ્ડયન મંત્રાલય એડવાન્સ્ડ એર મોબિલિટી સોલ્યુશન્સ અને ઇલેક્ટ્રિક વર્ટિકલ ટેક ઓફ લેન્ડિંગ એરક્રાફ્ટ માટે રેગ્યુલેટરી સેન્ડબોક્સની યોજના બનાવી રહ્યું છે. નાગરિક ઉડ્ડયન સચિવ વુમલુનમંગ બુલનામે કહ્યું છે કે ઇલેક્ટ્રિક એર મોબિલિટીનો સમય આવી ગયો છે. ડીજીસીએ આના વિવિધ પાસાઓ સાથે કામ કરતા છ કાર્યકારી જૂથોની રચના કરી છે. નિયમો બન્યા બાદ દેશમાં એર ટેક્સી વાસ્તવિકતા બની જશે.
સરલા એવિએશન આગામી બે-ત્રણ વર્ષમાં તેની ’શૂન્ય’ એરટેક્સી શરૂ કરશે. કંપ્નીએ તેના ઈવીટોલ શૂન્યનો પ્રોટોટાઈપ પ્રદર્શિત કર્યો છે. તેને પહેલા બેંગલુરુમાં લોન્ચ કરવાની યોજના છે. 250 કિમી પ્રતિ કલાકની ઝડપ ધરાવતી આ ટેક્સી 20-30 કિમીની ટૂંકી સફર માટે હશે. તે છ મુસાફરો માટે રચાયેલ છે. તે મહત્તમ 680 કિલોગ્રામનો ભાર વહન કરી શકે છે.
એરલાઇન્સ સ્ટાર્ટઅપ જેટ-સેટ-ગોએ અમેરિકન કંપ્ની ઇલેક્ટ્રા હોરાઇઝન અને જાપાનીઝ કંપ્ની સ્કાયડ્રાઇવ સાથે જોડાણ કર્યું છે. તે એરપોર્ટથી મહત્તમ 200 કિમીના અંતર સુધી સેવાઓ પ્રદાન કરશે. તેની એરટેક્સીને કોઈપણ બિલ્ડીંગની છત પર ઉતારી શકાય છે. કંપ્ની આગામી વર્ષે યુએઈ અને ભારતમાં આગામી ત્રણથી પાંચ વર્ષમાં એરટેક્સી સેવાઓ શરૂ કરવાની તૈયારી કરી રહી છે.
એરપેસ ઇન્ડસ્ટ્રીઝના વાઇસ પ્રેસિડેન્ટ કપિલ જૈને જણાવ્યું હતું કે મુસાફરોના સંચાલન, ચાર્જિંગ અને બેઠક માટે સમગ્ર દેશમાં એરડોક્સ બનાવવામાં આવશે. સેવાઓ 2027 માં શરૂ થવાની તૈયારીમાં છે. ચીફ માર્કેટિંગ ઓફિસર મંદાર પિંપલેના જણાવ્યા અનુસાર, 6 સીટર એર ટેક્સીની સ્પીડ 200 કિમી પ્રતિ કલાક હશે. એક સમયે 200 થી 800 કિમીની મુસાફરી કરશે. વ્યક્તિ દીઠ ખર્ચ રૂપિયા 5-6 હજાર પ્રતિ કિમી હશે. ડ્રોન દ્વારા લોકો પોતાની સાથે કાર પણ લઈ જઈ શકશે. મુસાફરો કારમાં બેઠા રહેશે અને ડ્રોન તેમને ગંતવ્ય સ્થાન પર લઈ જશે.