ન્યૂ ચંદીગઢના મુલ્લાંપુર સ્ટેડિયમ ખાતે ભારત અને અફઘાનિસ્તાન વચ્ચે રમાઈ રહેલી એકમાત્ર ઐતિહાસિક ટેસ્ટ મેચના ત્રીજા જ દિવસે એક નવો ઇતિહાસ રચાઈ ગયો છે. બંને ટીમોના બેટ્સમેનોએ શાનદાર પ્રદર્શન કરીને એક મેચમાં સંયુક્ત રીતે સૌથી વધુ રન બનાવવાનો નવો આકાશી રેકોર્ડ સ્થાપિત કર્યો છે. આ ધમાકેદાર પ્રદર્શન સાથે જ વર્ષ 2018 માં બંને દેશો વચ્ચે રમાયેલી પ્રથમ ટેસ્ટ મેચનો રન રેકોર્ડ પાછળ છૂટી ગયો છે.
માત્ર ૧૪ વિકેટના ભોગે આંકડો ૭૦૦ ને પાર

અગાઉ વર્ષ 2018 માં જ્યારે અફઘાનિસ્તાનની ટીમ પ્રથમ વખત ટેસ્ટ મેચ રમવા ઉતરી હતી, ત્યારે બંને ઇનિંગ્સ મળીને કુલ 30 વિકેટના પતન સાથે બંને ટીમોએ સંયુક્ત રીતે 686 રન બનાવ્યા હતા. તે સમયે ભારતે પોતાની પ્રથમ ઇનિંગ્સમાં 474 રન બનાવ્યા હતા, જેના જવાબમાં અફઘાનિસ્તાનની ટીમ પ્રથમ ઇનિંગ્સમાં 109 અને ફોલોઓન થયા બાદ બીજી ઇનિંગ્સમાં 103 રનમાં ઓલઆઉટ થઈ ગઈ હતી. ભારત તે મેચ ઇનિંગ્સ અને 262 રનના વિશાળ અંતરથી જીત્યું હતું.જોકે, મુલ્લાંપુર ખાતે રમાઈ રહેલી આ વર્તમાન ટેસ્ટમાં બેટિંગની સ્થિતિ તદ્દન અલગ જોવા મળી છે. અહીં બંને ટીમોની માત્ર 14 વિકેટો પડી છે ત્યાં જ સ્કોરબોર્ડ પર 700 થી વધુ રન નોંધાઈ ચૂક્યા છે, જે દર્શાવે છે કે અફઘાનિસ્તાન ક્રિકેટમાં ટેસ્ટ ફોર્મેટના સ્તરે ઘણો સુધારો થયો છે.શુભમન ગિલ અને કેએલ રાહુલની સદીથી ભારત મજબૂતઆ મેચમાં ભારતીય ટીમે ટોસ જીતીને પ્રથમ બેટિંગ પસંદ કરી હતી અને રનનો વિશાળ પહાડ ખડકી દીધો હતો

ટોપ ઓર્ડરનો દબદબો:- ભારતે પ્રથમ ઇનિંગ્સમાં 8 વિકેટ ગુમાવીને 564 રનનો તોતિંગ સ્કોર જાહેર કર્યો હતો.
શતકીય ભાગીદારી:- કેપ્ટન શુભમન ગિલે શાનદાર બેટિંગ કરતા 126 રન ફટકાર્યા હતા, જ્યારે ઓપનર કેએલ રાહુલે સચોટ રમત રમીને 100 રન પૂરા કર્યા હતા.

મિડલ ઓર્ડરનું યોગદાન:- વિકેટકીપર બેટ્સમેન ઋષભ પંતે વિસ્ફોટક અંદાજમાં 81 રન અને ઓલરાઉન્ડર વોશિંગ્ટન સુંદરે મહત્વના 52 રનનું યોગદાન આપ્યું હતું.આ વિશાળ સ્કોરના જવાબમાં બેટિંગ કરવા ઉતરેલી અફઘાનિસ્તાનની ટીમે પણ મજબૂત લડત આપી છે અને પ્રથમ ઇનિંગ્સમાં 100 થી વધુ રન બનાવી લીધા છે. જ્યારે અફઘાનિસ્તાનની 6 વિકેટો પડી ત્યારે જ બંને ટીમોના સંયુક્ત રનનો આંકડો 698 પર પહોંચીને જૂનો રેકોર્ડ તોડી ચૂક્યો હતો. હાલમાં બંને ટીમોની હજુ પ્રથમ ઇનિંગ્સ પણ પૂર્ણ થઈ નથી, જેથી મેચના અંત સુધીમાં રનનો આ આંકડો એક નવો વણતૂટ્યો રેકોર્ડ બનાવે તેવી પ્રબળ શક્યતા છે. અત્રે નોંધનીય છે કે આ સીરીઝની એકમાત્ર મેચ આઇસીસી વર્લ્ડ ટેસ્ટ ચેમ્પિયનશિપનો હિસ્સો નથી.