કરન્સી નિષ્ણાંતોનું માનવું છે કે, ડૉલરની ભારે માંગ વધી છે, જ્યારે ભારતીય રિઝર્વ બેંકનું આંશિક હસ્તક્ષેપ હોવાના કારણે, તેની અસર રૂપિયા પર પડી છે. રૂપિયો બપોરે 03.05 કલાકે 89.46 પર ટ્રેડ થઈ રહ્યો હતો. તેની શરૂઆત 88.67 રૂપિયાથી થઈ હતી. જ્યારે રૂપિયો ગઈકાલે 88.૬૬પર બંધ થયો હતો.

આ પહેલા 8 મે-2025ના રોજ ડૉલર સામે રૂપિયામાં 89 પૈસાનો ઘટાડો થયો હતો. નિષ્ણાંતોનું કહેવું છે કે, રૂપિયામાં ઐતિહાસિક ઘટાડો થયો છે. વૈશ્વિક માર્કેટમાં ડૉલર મજબૂત થયું છે, જ્યારે ઘરેલું આર્થિક દબાણના કારણે રૂપિયામાં આ મોટો ઘટાડો જોવા મળ્યો છે.

નિષ્ણાંતોનું કહેવું છે કે, અમેરિકન ફેડરલ રિઝર્વ દ્વારા વ્યાજ દરમાં કપાત થવાની આશા ખતમ થવાના તેમજ અમેરિકા-ભારત વિવાદના કારણે રૂપિયો સતત દબાણ હેઠળ છે. ઓગસ્ટનાં અંતે ભારતથી નિકાસ થતી પ્રોડક્ટ પર અમેરિકન ટેરિફ લાગુ થયા બાદ રૂપિયો સતત ગગડી રહ્યો છે.