આ બજારમાં તેજીથી રોકાણકારોની સંપત્તિમાં આશરે રૂ.૫ લાખ કરોડનો વધારો થયો છે. બીએસઈ-લિસ્ટેડ કંપનીઓનું કુલ બજાર મૂડીકરણ, જે પાછલા સત્રમાં રૂ.૪૬૯ લાખ કરોડ હતું, તે આજના ટ્રેડિંગમાં આશરે રૂ.૪૭૪ લાખ કરોડ થયું હતું. નિષ્ણાતોના મતે આજની તેજીનું એક કારણ વૈશ્વિક બજારોમાં મજબૂતાઈ છે. એશિયન ઇન્ડેક્સ મજબૂત રીતે ઊંચા ટ્રેડિંગ કરી રહ્યા છે, જ્યારે વોલ સ્ટ્રીટ ગઈકાલે રાત્રે પોઝીટીવ નોટ પર ટ્રેડિંગ બંધ થયું હતું.

આ સુધરેલા વૈશ્વિક જોખમ સેન્ટિમેન્ટે ભારતીય ઇક્વિટીને ટેકો આપ્યો અને નીચા સ્તરે નવી ખરીદીને પ્રોત્સાહન આપ્યું. યુએસ ફેડરલ રિઝર્વ દ્વારા વ્યાજ દરમાં ઘટાડા અંગે નવો ઉત્સાહ એ બીજો મહત્વપૂર્ણ પોઝીટીવ ટ્રિગર છે. બજારમાં તેજીનું બીજું કારણ શોર્ટ કવરિંગ હોવાનું માનવામાં આવે છે. છેલ્લા ત્રણ સત્રોમાં શેરબજારમાં ઘટાડો થયો હતો. નિષ્ણાતો માને છે કે આ શોર્ટ કવરિંગનું કારણ છે.

એશિયન બજારોમાં કોરિયાનો કોસ્પી 1.62 ટકા વધીને 3,920 પર, હોંગકોંગનો હેંગ સેંગ 0.25 ટકા વધીને 25,958 પર અને જાપાનનો નિક્કી 1.94 ટકા વધીને 1.94 ટકા પર બંધ થયો હતો.૨૫ નવેમ્બરના રોજ, વિદેશી રોકાણકારોએ રૂ.૯૧૭ કરોડના શેર વેચ્યા હતા, જ્યારે સ્થાનિક રોકાણકારોએ રૂ.૩,૪૨૩ કરોડના શેર ખરીદ્યા હતા.

કયા શેરોમાં સૌથી વધુ ઉછાળો જોવા મળ્યો?

બેસ્ટ એગ્રોલાઇફનો સ્ટોક આજે 16 ટકા વધીને રૂ. 350.25 પર પહોંચી ગયો. ઇગરાશી મોટર્સ ઇન્ડિયા મોટર્સનો સ્ટોક આજે 17 ટકા વધીને રૂ. 512.40 પર ટ્રેડ થઈ રહ્યો હતો. રસેલ ટેકનો સ્ટોક આજે 11 ટકા વધીને રૂ. 769.20 પર ટ્રેડ થઈ રહ્યો હતો. તેવી જ રીતે લોયડ્સ મેટલ્સનો સ્ટોક 5 ટકા વધીને રૂ. 1,240.90 પર પહોંચ્યો. સેઇલનો સ્ટોક 4 ટકા વધીને રૂ. 136 પર ટ્રેડ થઈ રહ્યો હતો. ટાટા ઇન્વેસ્ટમેન્ટ કોર્પોરેશનનો સ્ટોક 7 ટકા, રિલાયન્સ પાવરનો સ્ટોક 6 ટકા, નેટકો ફાર્માનો સ્ટોક 7 ટકા વધ્યો.