એક રીક્ષા, બુલેટ, સ્કૂટર સહિત ૧૩ વાહનો સાથે નીકળેલી ટોળકીના પાંચ ટાબરિયા સહિતના ૨૪ સભ્યોને પોલીસે શોધી કાઢ્યા: ૧૩ વાહનો કબજે

 સીટી એ. ડિવિઝન પોલીસે નેત્રમની ટીમની મદદથી તમામને શોધી કાઢી પોલીસ મથકે બોલાવ્યા: ભવિષ્યમાં આવું કૃત્ય નહીં કરે તેવી સર્વેની કબુલાત

 જામનગરમાં પરમદીને મોડી રાત્રે બેફામ ડ્રાઇવિંગ કરતી ધૂમ ગેંગ સક્રીય થઇ હોવાનું ચિત્ર ઉપસ્યું હતું, અને રાત્રે ૧ વાગ્યા પછી કેટલાક શખ્સો ટુ-વ્હીલર પર બેફામ ડ્રાઇવિંગ કરતા તથા દેકારો બોલાવતા વિવિધ રસ્તાઓ પરથી પસાર થયા હતા, અને શહેરીજનોને ભયમાં મૂકાયા હતાં. 

 જે તમામ વિગતો એકત્ર કરીને સમગ્ર ગેંગ ને પકડવા માટે સીટી એ. ડિવિઝનના પી.આઇ. એન. એ. ચાવડા અને તેઓની ટીમ પણ હરકતમાં આવી ગઈ હતી, અને સીસીટીવી કેમેરામાં દેખાયેલા તમામ વાહનોને શોધી કાઢવા માટે ત્વરિત કાર્યવાહી હાથ ધરીને ગણતરી ના સમયગાળામાજ સમગ્ર ટોળકીને શોધી કાઢી પોલીસ મથકે બોલાવી લેવામાં આવ્યા હતા.